Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Táýelsizdik tuǵyry - til: Medıtsına qyzmetkerleri qazaq tilinde dıktant jazdy

2021 jyldyń 30 qarasha 2021 17:26

NUR-SULTAN. QazAqparat - Medıtsınalyq jáne farmatsevtıka salasynyń eki júzge jýyq qyzmetkeri onlaın rejımde qazaq tilinde dıktant jazýǵa qatysty, dep habarlaıdy QazAqparat.

Shara 1 jeltoqsan – Qazaqstan Respýblıkasynyń Tuńǵysh Prezıdenti kúnine jáne 16 jeltoqsan – Táýelsizdiktiń 30 jyldyq mereıtoıyna oraı ótti.

QR Densaýlyq saqtaý mınıstrligi Medıtsınalyq jáne farmatsevtıkalyq baqylaý komıtetiniń Dárilik zattar men medıtsınalyq buıymdardy saraptaý ulttyq ortalyǵy uıymdastyrǵan sharaǵa Nur-Sultan qalasyndaǵy bas keńse jáne Almaty, Taraz, Qaraǵandy qalalaryndaǵy bólimshelerden 200-ge jýyq qyzmetker onlaın rejımde qatysty.

«Qazirgi ýaqytta kóptegen uıymdardyń jumys-barysy, is-sharalary resmı tilde kóbirek ótetini daǵdyǵa aınalǵanyn eskersek, bul shara Dárilik zattardy saraptaý ulttyq ortalyǵyndaǵy árbir qyzmetkerdiń ult perzenti retindegi paryzyn eske salǵan, ana tilin - qazaq tilin bilýge, jete meńgerýge qulshynysyn arttyrǵan eleýli oqıǵa bolǵany anyq. Osyǵan oraı, uıymdastyrylǵan dıktant «Táýelsizdik - basty qundylyǵymyz» dep ataldy. Onda 1991 jyly egemendigin jarııalaǵan, táýelsizdigin tórtkúl dúnıe moıyndaǵan kóp etnosty memleketimizde ultaralyq kelisimdi saqtaý men nyǵaıtýdyń aıryqsha úlgisi bolyp otyrǵan respýblıkamyzdyń osy otyz jyl júzinde jetken jetistikteri mátinde qysqasha baıandaldy», - delingen baspasóz baıanynda.

Dıktant sabaǵyn uıymdastyrý, ótkizý, tekserý mindeti ujymdyq ıdeologııa oshaǵy – Aýdarma jáne tilderdi damytý basqarmasynyń sarapshy-aýdarmashy mamandaryna júktelgen. Sonymen qatar, merekeler aıasyndaǵy dıktant jazýǵa belsendilikpen qatysqan qyzmetkerlerge basshylyq atynan alǵys aıtyldy. Dıktant nátıjesi shyǵarylyp, saýattylyq synynan súrinbeı ótken úzdik kórsetkish ıeleri anyqtalady. Bul ár táýlik, ár saǵaty halyq densaýlyǵy úshin jaýapty sheptegi tynymsyz eńbekke toly ujymda QR Konstıtýtsııasynda «Qazaqstan Respýblıkasynyń memlekettik tili – qazaq tili» dep atap kórsetilgen týǵan tilimizdiń mártebesine laıyqty jemisti kún boldy.


Joǵary qaraı