Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Batys Qazaqstanda 620 adam revaktsınatsııadan ótti

2021 jyldyń 30 qarasha 2021 19:33

ORAL. QazAqparat – Batys Qazaqstan oblysynda 620 adam revaktsınatsııadan ótti, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, sondaı-aq 1668 adam Pfizer kompanııasynyń Comirnaty vaktsınasyn aldy.

Sonyń 948-i – jasóspirimder, 59-y – júkti, 661-i – bala emizetin áıelder.

Oblys boıynsha barlyǵy 248 767 adam vaktsınanyń birinshi komponentin qabyldady, bul – egilýge tıisti turǵyndardyń 60 paıyzy. Sonyń ishinde 178 130-y «Spýtnık V» vaktsınasyn qolaı kórdi.

Sondaı-aq 230 317 adam (55,6 paıyz) ekinshi komponentti de alyp úlgerdi.

Basqarma málimetine qaraǵanda, óńirde pandemııa bastalǵannan beri 39 703, sonyń ishinde bıyl 30 452 naýqas tirkeldi.

Jyl basynan beri syrqattanǵan 2993 balanyń 2968-i jazylyp shyqty. 25-i saýyǵý ústinde.

Oqý jyly bastalǵan 1 qyrkúıekten beri 875 oqýshydan indet anyqtaldy. Qazirgi kezde Oral qalasyndaǵy 1 mektepte 1 synyp karantınge jabylǵan.

Kúni búgin oblysta 291 naýqas ambýlatorlyq, 120 adam statsıonarlyq em alýda. Sonyń ishinde jansaqtaý bóliminde jatqan 10 adamnyń 8-i aýyr, ekeýi asa aýyr halde. Invazıvti jasandy tynys alý apparatyna 2, ınvazıvti emes qurylǵyǵa 4, ottegi kontsentratoryna 4 naýqas qosylǵan.

Jyl basynan beri 668, sońǵy aptada 4 adam koronavırýstan kóz jumdy.

Eske sala keteıik, budan buryn Batys Qazaqstanda koronavırýs juqtyrý kórsetkishiniń 27,4 paıyzǵa tómendegenin jazǵan bolatynbyz.


Joǵary qaraı