Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tımýr Muratov elorda turǵyndaryna koronavırýs vaktsınasyn saldyrýǵa shaqyrdy

2021 jyldyń 30 qarasha 2021 15:43

NUR-SULTAN. QazAqparat – Elordadaǵy qoǵamdyq densaýlyq saqtaý basqarmasynyń basshysy Tımýr Muratov qala turǵyndaryn koronavırýs vaktsınasyn saldyrýǵa shaqyrdy, dep habarlaıdy QazAqparat tilshisi.

«Azamattarǵa vaktsınatsııa jáne revaktsınatsııa búgingi tańda COVID-19-dan qorǵanýdyń tıimdi ádisteriniń biri ekenin atap ótkim keledi. Vırýs mýtatsııaǵa ushyraıdy jáne adamdarda syrqattanýshylyq qanshalyqty aýyr túrde bolatynyn, onyń taralýy jyldamdyǵyn aldyn ala bile berý múmkin emes», - dedi T. Muratov onlaın brıfıngide.

Onyń aıtýynsha, jalpy qala boıynsha birinshi komponentpen 471 myńnan astam adam vaktsınatsııalandy. Statıstıka kórsetip otyrǵandaı, elorda turǵyndary arasynda syrqattanýdyń azaıǵany baıqalyp otyr. Sebebi azamattardyń basym bóligi ımmýndaý kýrsynan ótti.

«Qala turǵyndaryn vaktsına saldyryp, óziniń qaýipsizdigi úshin tıisti sheshim qabyldaýǵa shaqyramyn. Árıne, ekpe saldyrý erikti túrde júrgiziledi, alaıda biz dáriger retinde vaktsına saldyrý qajettigi men onyń tıimdigi jaıynda túsindirýge tıispiz. Sondyqtan vaktsınalaý men revaktsınatsııa ımmýnıtetti qorǵaý úshin mańyzdy», - dedi basqarma basshysy.

Budan buryn habarlanǵandaı, Tımýr Muratov qaladaǵy revaktsınalaý jumystary jaıynda túsindirdi.

Koronavırýs ınfektsııasyna qarsy ekpe alǵysy keletinderdi vaktsınatsııalaý jáne revaktsınatsııalaý qalanyń 31 medıtsınalyq jáne vedomstvolyq uıymdarynda ornalasqan 72 ekpe kabınetinde, 4 saýda úıi men ortalyqtarynda («Azııa Park», «Ábý-Dabı Plaza», «Kerýen», «Eýrazııa») jáne «Nurly jol» temirjol vokzalynda júrgizilip jatyr.


Joǵary qaraı