Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Memlekettik hatshy: Larrı Kıng — Amerıkanyń Saýytbek Abdrahmanovy

2021 jyldyń 30 qarasha 2021 14:55

NUR-SULTAN. QazAqparat – Elordada QR Parlamenti Májilisiniń depýtaty, kórnekti qalamger Saýytbek Adrahmanovtyń 70 jyldyq mereıtoıyna arnalǵan «Mádenıet, bilim, ǵylym yqpaldastyǵy jáne qazirgi zamanǵy medıakommýnıkatsııa» atty halyqaralyq ǵylymı-tájirıbelik konferentsııa ótti, dep habarlaıdy QazAqparat tilshisi.

«Saýytbek Abdrahmanov - Táýelsiz Qazaqstandy qurýǵa jáne onyń rýhanııat salasyn baıytýǵa ólsheýsiz úles qosqan ardaqty azamattardyń biri, elimizdiń Aqparat mınıstri, bas basylymnyń basshysy retinde jas memleketimizdiń tarıhynda qalǵan tulǵa. Sáýkeń jemisi mol 70 jasqa memleket jáne qoǵam qaıratkeri, salıqaly saıasatker, qarymdy qalamger atanyp, abyroımen jetti. Shyǵarmashylyǵy laıyqty baǵalanyp, memlekettik syılyq ıelendi. El-jurttyń aldynda bedeldi halyq qalaýlysyna aınaldy. Aýdarmanyń qyr-syryn, Pýshkın týyndylarynyń tabıǵatyn zerttep, ádebıettanýshy ǵalym atandy. Sóziniń salmaǵy bar, isiniń ónegesi bar Sáýkeńdi qurmettep, búgingideı halyqaralyq konferentsııa ótkizý óte oryndy dep sanaımyn», - dedi is-sharany ashqan QR Memlekettik hatshysy Qyrymbek Kósherbaev.

Qyrymbek Kósherbaev mereıtoı ıesimen saıası seriktes retinde de eńbek joldary qatar órbigenin, talaı qyzyq pen shyjyqty birge ótkizgenderin atap ótti.

«Sáýkeń - el isine erte aralasyp, atqa qonǵan azamat. Jer júzin sharlap, kópti kórdi. Álemniń 61 memleketin aralap, qyzyqty reportajdar men ocherkter jazdy. Ol júrgen jerinde qarashanyń da, hannyń da tilin tapty. Kóptegen memleket basshylarymen suhbat qurdy. Elbasynan alǵan suhbattarynyń ózi bir tóbe. Ony turǵylastary keıde suhbat alýdyń sańlaǵy deıdi. Álemge áıgili Larrı Kıng degen suhbat janrynyń maıtalmany bolǵan. Bizdiń Sáýkeń de qazaqtyń Larrı Kıngi deýge bolar edi. Biraq, bul Sáýkeńniń taqııasyna tarlyq etedi. Durysy Larrı Kıng Amerıkanyń Saýytbek Abdrahmanovy», - dedi ol.


Joǵary qaraı