Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty JEO-2 shyǵaryndylary 15 ese qysqarady

2021 jyldyń 30 qarasha 2021 12:28

ALMATY. QazAqpart- Almatyda qoǵamdyq tyńdaýlar ótip jatyr, munda qala turǵyndarymen Almaty JEO-2 nysanyn jańǵyrtý jobasyn iske asyrý kezindegi qorshaǵan ortaǵa áserdi azaıtý máseleleri talqylanýda, dep habarlaıdy QazAqparat tilshisi.

Jobany iske asyrýǵa jáne stantsııany gazǵa aýystyrýǵa baılanysty negizgi aspektiler qaraldy. ıAǵnı, JEO-2 gazǵa aýystyrylǵannan keıin atmosferaǵa shyǵatyn zııandy zattar qanshalyqty tómendemek? Qazirgi ýaqytta JEO-2 tútin qubyrlarynan taraıtyn zııandy shyǵaryndylar eseptik derekter boıynsha jylyna 36,7 myń tonnany quraıdy eken, jańǵyrtýdan keıin olar jylyna 2,3 myń tonna bolmaq. ıAǵnı, qala atmosferasyndaǵy JEO-2 shyǵaryndylary 15 eseden astam shamaǵa qysqaratyn bolady.

JEO-2 alańynda jańa elektr stantsııasyn salý úshin qoldanystaǵy ónerkásiptik alańynyń 17,5 ga (jalpy aýdany - 91 ga) paıdalanylatyn bolady. Otyn retinde tabıǵı gazdy paıdalanǵan jaǵdaıda JEO-nyń kómir qoımasy, otyn berý jáne kómirdi túsirý júıesi sııaqty kóp aýmaqty alatyn qurylys jaılary qajetsiz bolyp qalmaq.

Buǵan qosa, sýmen jabdyqtaý, jylý men elektr energııasyn taratý úshin qoldanystaǵy ınfraqurylym paıdalanylatyn bolady, ásirese megapolıstiń qazirgi tyǵyz qalyptasqan qurylymyn eskergen jaǵdaıda JEO-2-niń óz alańynda elektr stantsııasyn salý óte mańyzdy sheshim deýge bolady.

Tehnıkalyq-ekonomıkalyq qujattarynyń negizgi tehnıkalyq sheshimderine sáıkes jobany iske asyrǵannan keıin JEO-2-niń qoldanystaǵy qurǵaq kúl úıindisin qaıta qajetke jaratýǵa bolady. Eger tutynýshy bolsa, kúldi qoldanýǵa bolady. Eski stantsııa jabdyqtary da saqtalady.

Jarııa tyńdaýlar QR Ekologııalyq kodeksine sáıkes uıymdastyryldy, shara jobanyń tehnıkalyq-ekonomıkalyq negizdemesine (TEN) Tapsyrys berýshi – «AlES» AQ, TEN qujatyn ázirleýshi – «QazEnergoÓnerkásiptikǴZJІ» ınstıtýty» AQ qatysýymen jáne Almaty qalasy Jasyl ekonomıka basqarmasy ókiliniń tóraǵalyǵymen ótýde.


Avtor Alma Muqanova
Basty sózder: Ekologııa, Almaty, Energetıka,
Joǵary qaraı