Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıylǵy 10 aıda óńdeý ónerkásibinde turaqty ósim saqtaldy – Beıbit Atamqulov

2021 jyldyń 30 qarasha 2021 09:34

NUR-SULTAN. QazAqparat – Bıylǵy 10 aıda elimizdiń óńdeý ónerkásibinde turaqty ósim saqtaldy. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Memleket basshysy Qasym-Jomart Kemeluly Toqaev Qazaqstan halqyna arnaǵan Joldaýynda 2025 jylǵa qaraı óńdeýshi ónerkásip ósimin 1,5 esege arttyrýdy tapsyrdy. Bul maqsat Nur-Otan partııasynyń saılaýaldy tuǵyrnamasynda da kórinis tapqan. Oǵan jetý úshin eki negizgi mindet qoıyldy. Birinshiden, Indýstrııalandyrý kartasy jáne iri ınvestıtsııalyq jobalar aıasynda óńdeýshi ónerkásip salalarynda jańa jobalardy iske qosý. Ekinshiden, «Ónerkásiptik saıasat týraly» zań jobasynda kózdelgen ónerkásipti memlekettik yntalandyrýdyń jańa sharalaryn iske asyrý», - dedi B. Atamqulov.

Onyń aıtýynsha, bıylǵy 10 aıdyń qorytyndysynda elimizdiń óńdeý ónerkásibinde turaqty ósim saqtaldy. Naqty kólem ındeksi 5,8 % artyp, 13,4 trln teńgeni qurady. Bul ótken jyldyń sáıkes kezeńindegi kórsetkishten artyq. Іs júzinde salanyń barlyq sektorynda oń dınamıka baıqalady.


Joǵary qaraı