Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

QR IIDM basshysy jol sapasyn qalaı teksergenin aıtty

2021 jyldyń 30 qarasha 2021 01:26

NUR-SULTAN. QazAqparat – Indýstrııa jáne ınfraqurylymdyq damý mınıstri Beıbit Atamqulov jol sapasyn jaqsartý úshin qandaı sharýa tyndyrylǵanyn aıtty, dep habarlaıdy QazAqparat tilshisi.

«Respýblıkalyq mańyzdaǵy 25 myń shaqyrym jol bar. Qalǵan 75 myń shaqyrym jol jergilikti mańyzǵa ıe. Qala, aýyl, eldi meken ishindegi kósheler jáne bar. Munyń bárin jaramdy qalypta kútip ustaý qajet. Sonyń barlyǵyn úılestirý bizdiń mınıstrliktiń quzyryndaǵy sharýaǵa jatady», - dep túsindirdi Beıbit Atamqulov «Habar» telearnasyndaǵy «Ult múddesi» baǵdarlamasynda.

Mınıstrdiń sózinshe, jańa tehnologııalardyń arqasynda respýblıkalyq mańyzy bar joldar qatań baqylanyp otyr.

«Eki jyl buryn biz joldarǵa qatań baqylaý júrgizetin respýblıkalyq sapa ortalyǵyn qurdyq. Merdigerlerden osy ortalyq anyqtaǵan kemshilikterdi joıyp otyrýy kerek. Biraq baqylaýdyń mundaı túri respýblıkalyq joldarǵa ǵana qatysty. Al jergilikti deńgeıde mamandar jetispeıdi. Baqylaýǵa tıis zerthanalardyń deńgeıi de oǵan múmkindik bermeıdi», - dep túsindirdi Beıbit Atamqulov.

Sondaı-aq, ol Balqash pen Almaty arasyndaǵy joldyń qurylysy qashan aıaqtalýy múmkin ekenin aıtty.

«Qazir biz 3,6 myń shaqyrym jol salyp jatyrmyz. Bıyl 2200 shaqyrymdy aıaqtaımyz. Qaraǵandy – Balqash, Balqash – Býrylbaıtal, Býrylbaıtal – Kúrti, Kúrti – Almaty ýchaskeleri bar. Olardy kelesi jyly aıaqtaımyz. Balqash –Býrylbaıtal, Býrylbaıtal – Shý – Merke baǵyttary jáne bar. Byltyr men 8 myń shaqyrym joldy júrip ótip, óz kózimmen tekserdim. Nur-Sultan, Pavlodar, Qalbataý, Aıagóz, odan ári Úsharal, Taldyqorǵan, Almaty, Otar arqyly eki ret júrip óttim», - degen vedomstvo basshysy alty aıdyń ishinde jol sapasy jaqsy jaqqa ózgeretinin atady.

«Qaraǵandy-Balqash baǵytynda Aqsý-Aıýly bóliginde aıaqtalmaǵan ýchaske bar. Sondaı kemshilik jibergen sheteldik merdigerlermen jumysty sapasyz atqarǵany úshin kelisimshartty úzdik. Ókinishke qaraı, konkýrstardy biz ótkizbeımiz. Azııa damý banki, Dúnıejúzilik bank sııaqty halyqaralyq qarjy ınstıtýttary qaryzdy óz erejeleri boıynsha beredi», - dedi mınıstr.


Joǵary qaraı