Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qasym-Jomart Toqaev Jenevada Qazaqstan men BUU yntymaqtastyǵynyń basym baǵyttaryn talqylady

2021 jyldyń 29 qarasha 2021 23:21

JENEVA. QazAqparat - Memleket basshysy Qasym-Jomart Toqaev BUU-nyń Jenevadaǵy bólimshesiniń Bas dırektory Tatıana Valovaıamen kezdesti. Bul týraly Aqordadan málim etti, dep habarlaıdy QazAqparat.

Kezdesý barysynda Qazaqstan men BUU arasyndaǵy yntymaqtastyqtyń basym baǵyttary talqylandy. Pandemııaǵa qarsy kúres, aımaqtyq qaýipsizdik pen turaqtylyqty qamtamasyz etý boıynsha kúsh-jiger jumyldyrý máselelerine basa mán berildi.

Prezıdent Qazaqstanda pandemııaǵa qarsy kúres boıynsha qabyldanyp jatqan sharalar, sondaı-aq DDSU Dúnıejúzilik densaýlyq saqtaý assambleıasynyń arnaýly sessııasynda koronavırýstyń jańa shtammdaryna birlesip qarsy turý úshin basqa elderge úndeý tastaǵanyn aıtty.

Qasym-Jomart Toqaev qazirgi jaǵdaıda Birikken Ulttar Uıymy mýltılateralızm júıesiniń negizi bolyp qala beretinin atap ótti. Qazaqstan táýelsizdiktiń alǵashqy kúnderinen bastap dúnıejúzilik uıymnyń qaǵıdattaryna, maqsattary men mindetterine beıildi boldy jáne solaı bola beredi.

Memleket basshysy Qazaqstannyń ıadrolyq qarýsyzdanýǵa jáne jappaı qyryp-joıý qarýyn taratpaý rejımin nyǵaıtýǵa eleýli úles qosatynyn jáne osy jumystardy jalǵastyra beretinin jetkizdi.

Kezdesýde Ortalyq Azııadaǵy ahýal, Aýǵanstanǵa kómek kórsetý jónindegi BUU Mıssııasyn (UNAMA) Almatyda ornalastyrý máselesi, Ornyqty damý maqsattary boıynsha BUU-nyń óńirlik ortalyǵyn óz aýmaǵynda qurý jónindegi Qazaqstannyń bastamasy talqylandy.

Áńgimelesý barysynda Qazaqstanda júrgizilip jatqan saıası reformalar, adam quqyqtary men bostandyǵy, genderlik máseleler sóz boldy.

Tatıana Valovaıa Memleket basshysyn Qazaqstan Táýelsizdiginiń 30 jyldyǵymen quttyqtap, elimizdiń osy ýaqyt aralyǵynda eleýli jetistikterge qol jetkizgenin atap ótti. Ol Qasym-Jomart Toqaevqa 2011-2013 jyldary ózi basqarǵan BUU-nyń Jeneva bólimshesindegi ujymynyń ystyq sálemin jáne izgi tilekterin jetkizdi.

Eske salaıyq, 28 qarashada Qazaqstan Prezıdenti Q.Toqaev resmı saparmen Shveıtsarııa konfederatsııasyna keldi.

Búgin Jenevada Qasym-Jomart Toqaev Shveıtsarııanyń Federaldyq Prezıdenti Gı Parmelanmen kelissóz júrgizedi, Dúnıejúzilik densaýlyq saqtaý uıymynyń basshysymen kezdesti, DDSU-nyń Dúnıejúzilik densaýlyq saqtaý assambleıasynyń arnaýly sessııasyna qatysty, sondaı-aq Investıtsııalyq dóńgelek ústel otyrysyna qatysty.


Joǵary qaraı