Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda paıra sındromyna shaldyqqan naýqasqa ota jasaldy

2021 jyldyń 29 qarasha 2021 22:02

ALMATY. QazAqparat - Almatydaǵy qalalyq №7 aýrýhanada sozylmaly kolostazǵa shaldyqqan áıelge kúrdeli ota jasaldy, dep habarlaıdy QazAqparat tilshisi.

Medıtsınalyq saqtandyrý qory Almaty fılıalynyń málimetinshe, operatsııa mindetti áleýmettik medıtsınalyq saqtandyrý paketi sheńberinde jasalǵan.

Jas kelinshektiń bul dertke shaldyqqanyna birneshe jyl bolǵan. Alǵashynda ol júrek aıný, bas aınalý, qusý, ish aýrýy syndy jaǵymsyz belgilermen óz betinshe kúresip kórgen.

Aqyrynda 10 kún boıy dáreti júrmeı, keıin dárigerlerdiń kómegine júginýge májbúr bolǵan.

Dárigerler patsıentke paıra aýrýy – sozylmaly kolostaz degen dıagnoz qoıyp, ony shuǵyl operatsııaǵa daıyndaǵan.

№7 aýrýhananyń hırýrgi Nurlan Máýlenovtiń aıtýynsha, sozylmaly kolostaz – toq ishekte kezdesetin aýrý.

Mundaı aýrýmen aýyratyn adamnyń ishi keýip, úlken dáreti júrmeıdi, saldarynan aǵza ýlanady.

«Bul dertke shaldyqqan patsıentter ýaqytyly emdelý qajettigin esten shyǵarmaǵany jón. Kóp jaǵdaıda mundaı syrqattarǵa hırýrgııalyq kómek kórsetiledi», - deıdi dáriger.

Naýqastyń jaǵdaıy qazir jaqsy, ózin jaıly sezinedi.

«Otadan keıin jaǵdaıym birtindep jaqsara bastady, qazir bári oıdaǵydaı. 15 kúnnen keıin úıge saýyǵyp qaıttym. Dárigerlerge raqmet», - deıdi patsıent.

Esterińizge sala ketsek, MÁMS paketine kiretin ota josparly túrde jasaldy.


Avtor Alma Muqanova
Basty sózder: Medıtsına, Densaýlyq, Almaty,
Joǵary qaraı