Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmola oblysynda balalardyń áleýetin damytý úshin qandaı jaǵdaı jasalǵan

2021 jyldyń 29 qarasha 2021 22:14

NUR-SULTAN. QazAqparat – Búginde Aqmola oblysynda balalardyń áleýetin damytyp, shyǵarmashylyq shabytyn ashyp jáne talantyn tanytý maqsatynda qandaı jaǵdaı jasalyp jatqany aıtyldy, dep habarlaıdy QazAqparat tilshisi.

Aqmola oblysynda uıymdastyrylǵan baspasóz týray barysynda BAQ ókilderine Kókshetaýda ótken jyly ashylǵan balalar men jasóspirimderge arnalǵan «Bolashaq saraıynyń» jumysy tanystyryldy.

Búginde jańa saraıda 111 úıirme jumys istep tur jáne oǵan 3 myńnan astam bala qatysyp jatyr.

Balalar men jasóspirimder saraıy 5 baǵyt boıynsha jumys isteıdi.

Atap aıtqanda, ǵylymı-zııatkerlik, shyǵarmashylyq, sport, medıa, sondaı-aq erekshe qajettilikteri bar balalarǵa da kóńil bólingen. Jáne munda 97 pedagog jumys isteıdi.

Mekeme basshysy Aınagúl Baltashevanyń aıtýynsha, negizgi mıssııa - jas urpaqty jahandyq básekelestikke beıimdeý.

Sol sııaqty zamanaýı tehnologııalar men ǵylymı zertteýler arqyly balalardyń synı oılaý júıesin qalyptastyrý.

Odan bólek balalardy ǵylymǵa baýlıdy. Ol úshin bıotehnologııa zerthanasy ashyldy, onda mıkrobıologııa, vırýsologııa boıynsha zertteýler júrgiziledi.

«Buryn-sońdy Kókshetaýda mundaı zerthana bolmaǵan. Bizdiń zerthana zamanaýı tehnologııamen jabdyqtalǵan. Ǵylymı zertteý ortalyǵynda 240 oqýshy bilim alyp jatyr. Aıtar bolsam, búgin ekologııa zerthanasynda jas ǵalymdar atmosferalyq aýanyń quramyn zerttep jatyr. Biz oqýshylarymyzdyń eńbegin erekshe maqtan etemiz. Mysaly, bizdiń oqýshymyz Tamıla Jabasova halyqaralyq baıqaýda birinshi oryn alyp, «TMD-nyń úzdik jas ǵalymy» ataǵyna ıe boldy. Ol sýdyń quramyn zerttep, súzgilerdi tazalaý úshin ádisin usynǵan bolatyn», - dedi «Bolashaq saraıy» ǵylymı-zııatkerlik bólimniń meńgerýshisi Edil Aıshyq.

Sonymen qatar BAQ ókilderine nazaryna shyǵarmashylyq bólimniń tárbıelenýshisi Ramına Baýyrjannyń «Týǵan jerim-altyn besigim» atty kartınasy usynyldy.

Atalǵan týyndy Máskeýde ótken halyqaralyq baıqaýda bas júldeni ıelenipti.

«Bizde sándik-qoldanbaly, qysh óneri, aǵash oıý sektsııasymen qatar, horeografııa jáne mýzyka úıirmesi bar. Bizdiń saraıdyń maqtanyshy-qysh. Balalar 3 tústi balshyqpen jumys isteıdi. Bul - taza tabıǵı ónim. Al erekshe bilim berý qajettilikteri bar balalar úshin art-terapııa úıirmesi iske qosylǵan», - deıdi shyǵarmashylyq bólim basshysy Áset Baıjolov.

Onyń aıtýynsha, 6-dan 21 jasqa deıingi balalar men jasóspirimder úshin shyǵarmashylyq úıirmelerge qatysý tegin.

Qazir shyǵarmashylyq úıirmelerde barlyǵy 1400-ge jýyq bala bara tálim alyp jatyr.


Joǵary qaraı