Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede qus qyrylyp jatyr: Veterınarlar jaǵdaıdy túsindirdi

2021 jyldyń 29 qarasha 2021 18:21

AQTÓBE. QazAqparat – Aqtóbe oblysy Shámshi Qaldaıaqov aýylynda taýyq qyryldy. Veterınarlar synama alyp, ony Nur-Sultan qalasyna jiberdi, dep habarlaıdy QazAqparat tilshisi.

Aqtóbe oblysy Qarǵaly aýdany Shámshi Qaldaıaqov aýylynda turǵyndardyń qorasyndaǵy taýyq qyryla bastady.

Oqıǵa 16-20 qarasha aralyǵynda bolǵan.

Veterınarııalyq baqylaý jáne qadaǵalaý komıtetiniń Aqtóbe oblystyq aýmaqtyq ınspektsııasynyń basshysy Keńes Qanadbaevtyń aıtýynsha, mamandarǵa málimet kesh túsken.

«Barlyǵy 200-den astam taýyq qyrylyp qaldy. Osy oqıǵadan soń synamalar alynyp, Nur-Sultan qalasyna jiberildi. Qazirgi kezde sheshimin kútip otyrmyz. Naqty dıagnozy belgili bolǵan soń shekteý sharasyn qoldaný týraly sheshim shyǵarylady. Boljam boıynsha, taýyq arasynda kezdesetin Nıýkasla aýrýy. El-jurttyń arasynda «qus tumaýy» degen sóz bar. Biraq ol shyndyqqa janaspaıdy. Birinshiden, kúzde qus tumaýyna qarsy ekpe júrgizildi. Ekinshiden qaz-úırekke juqpaǵan», - dedi veterınarııalyq baqylaý jáne qadaǵalaý komıtetiniń Aqtóbe oblystyq aýmaqtyq ınspektsııasynyń basshysy Keńes Qanadbaev.


Joǵary qaraı