Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada gaz ballony qaýipsizdigin qadaǵalaıtyn jumys toby quryldy

2021 jyldyń 29 qarasha 2021 17:51

NUR-SULTAN. QazAqparat – Búginde elordada turmystyq gaz ballony qaýipsizdigin qadaǵalaıtyn arnaıy jumys toptary jumysyn bastady. Bul jaıynda Nur-Sultan qalasynyń turǵyn úı jáne turǵyn úı ınspektsııasy basqarmasynyń basshysy Ánýar Saıpov málim etti, dep habarlaıdy QazAqparat tilshisi.

«Halyq arasynda turmystyq gaz ballony qaýipsizdigi sharasyna qatysty túsindirý jumysyn jıi ótkizip turamyz. Turǵyndarǵa gazdy durys qoldaný erejesin túsindirýmen qatar nusqaýlyq taratylady. Búginde elordada osyǵan baılanysty eki vedomstvoaralyq jumys toby quryldy. Onyń birinshisi turmystyq gaz ballonyn qoldaný qaýipsizdigin qadaǵalaıdy. Onyń quramyna tótenshe jaǵdaılar departamenti, óndiris basqarmasy jáne basqa da quzyrly organdardyń ókilderi kirdi», - dedi Ánýar Saıpov OKQ-de ótken baspasóz máslıhatynda.

Onyń aıtýynsha, búginde elordada 478 nysannyń turmystyq gaz ballonyn qaýipsizdigine tekserý júrgizildi.

«Onyń ishinde 446 nysan - qoǵamdyq tamaqtaný orny, 11 avtogaz quıý beketi, 4 gaz toltyrý beketi jáne taǵy basqalar bar. Tekseris nátıjesinde keıbir nysan ıeleri ákimshilik jaýapqa tartylyp, keıbirine kemshilikti joıýǵa ýaqyt berildi. Ekinshi jumys tobynyń qyzmeti elordaǵa gaz tartýmen baılanysty. Ózderińiz bilesizder, búginde Nur-Sultan qalasyn gazdandyrý jumysy qyzý júrip jatyr. Osy tusta top músheleri tabıǵı gazǵa qosylǵan turǵyndar arasynda túsindirý sharasyn ótkizip jatyr. Bul baǵyttaǵy jumys jalǵasyn tabady», - deıdi ol.


Joǵary qaraı