Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tuńǵysh Prezıdent kúni: «Kóńildiń asyl pernesi» atty halyqaralyq konkýrstyń jeńimpazdary belgili boldy

2021 jyldyń 29 qarasha 2021 14:09

NUR-SULTAN. QazAqparat – Elordadaǵy Elbasy kitaphanasynda QR Tuńǵysh Prezıdenti kúnine arnalǵan «Kóńildiń asyl pernesi» atty halyqaralyq shyǵarmashylyq konkýrstyń jeńimpazdaryn marapattaý rásimi ótti, dep habarlaıdy QazAqparat tilshisi.

QR Tuńǵysh Prezıdenti-Elbasy kitaphanasy, Nursultan Nazarbaev Qory, Halyqaralyq Túrki akademııasy, M. Ótemisov atyndaǵy oqýshylar saraıy, Nur-Sultan qalasy ákimdigi birlesip ótkizgen baıqaýdyń qorytyndysyn jarııa etýge mádenıet salasynyń kórnekti ókilderi men memleket qaıratkerleri qatysty, dep habarlaıdy QazAqparat tilshisi.

Konkýrsqa bıyl 167 ótinim kelip túsken. Onyń ishinde Indonezııa, Ózbekstan, Qyrǵyz Respýblıkasy, Tatarstan, Qytaı jáne Reseı ónerpazdary bar.

Marapattaý rásiminiń aldynda sóz sóılegen QR Mádenıet jáne sport vıtse-mınıstri Nurǵısa Dáýeshev bul sharanyń mádenıet damýynda úlken ról atqaratynyn atady.

«Elbasymyz «Qazaqstannyń bolashaǵy bilimdi jastardyń qolynda» dep aıtqan bolatyn. Sondyqtan búgingi sharany uıymdastyrshylarǵa Mádenıet jáne sport mınıstrliginiń atynan úlken alǵys bildiremiz. Memleket basshysy Qasym-Jomart Kemeluly óz Joldaýynda Elbasymyzdyń saraly saıasatyn jalǵastyrý arqyly sport pen shyǵarmashylyqqa jaqyn jastardyń áleýetin arttyrý týraly tapsyrma bergen bolatyn. Sol maqsatta eldiń ár buryshynda túrli sharalar ótikizilip, jumystar atqyrylyp jatyr. Munyń bári eldiń bolashaǵy úshin jasalyp otyr. Elbasy Nursultan Nazarbaevtyń ónerge, mádenıetke degen qoldaýynyń arqasynda teatrlarymyz, kontserttik uıymdarymyz, mýzeılerimiz búgingi tańda halyqaralyq óner ujymdarymen terezesi teń óner kórsetip júr. Elbasynyń keıingi 30 jyldaǵy tikeleı qoldaýynyń arqasynda elimizde qanshama teatr, qanshama kontserttik uıymdar ashyldy?! Sonyń bári ónerpaz jastardyń talantyn ushtap, talabyn janý úshin jasalyp jatyr», - dedi mınıstrdiń orynbasary.

Qazaqstannyń eńbek sińirgen qaıratkeri, «Qurmet» ordeniniń ıegeri Svetlana Aıtbaeva bastaǵan qazylar alqasy baıqaý jeńimpazdaryn 4 atalym, eki jas sanaty boıynsha iriktepti. Sonymen, 167 úmitkerdiń arasynan úzdik shyqqandardyń tizimi mynadaı:

«Elbasynyń súıikti ánderi tolqynynda» nomınatsııasy (12-14 jas):

3 oryn ıegeri – Elzara Kýraısova (Nur-Sultan q.),

2 oryn ıegeri – Eńlik Baızaq ( Shymkent q.)

1 oryn ıegeri – Tolǵanaı Birjanqyzy (Nur-Sultan q.),

Osy atalym boıynsha 15-17 jas aralyǵyndaǵy jeńimpazdar:

3 oryn – Vıoletta Tkachenko (Nur-Sultan q.),

2 oryn – Jarqynaı Saǵatbek (Almaty)

1 oryn – Alısa Sýhonosova (g. Pavlodar, shkola-gımnazııa № 9);

«Qasıetti dombyra» nomınatsııasy (12-14 jas):

3 oryn – Ersaıyn Ersultan (Nur-Sultan q.),

3 oryn – Aıym Saqy (Mańǵystaý oblysy)

2 oryn – Arýjan Ómirtaıqyzy (Nur-Sultan q.),

1 oryn – Aqnur Mahmutova (Nur-Sultan q.),

Osy atalym boıynsha 15-17 jas aralyǵyndaǵy jeńimpazdar:

2 oryn – Janbolat Oljabaı (Nur-Sultan q.),

1 oryn – Shyńǵys Asyǵatuly (Pavlodar oblysy);

«Ásem ánim syrnaıdaı» nomınatsııasy (12-14 jas):

2 oryn – Aleks Kýng (Indonezııa)

1 oryn – Djesıka Aýrelııa (Indonezııa)

Osy atalym boıynsha 15-17 jas aralyǵyndaǵy jeńimpazdar:

3 oryn – ıÝlııa Evteeva, Sofııa Reshetnıak, Alına Tolochılına (Reseı),

2 oryn – Dastanbek Taýypaldıev (Ózbekstan),

1 oryn – «Gaben» dýeti (Indonezııa).

Aıta ketý kerek, sheteldik ónerpazdar arasynda ótken «Ásem ánim syrnaıdaı» nomınatsııasynyń jeńimpazdary onlaın baılanys arqyly marapattaldy.

«Babamnan qalǵan keń dala» nomınatsııasy boıynsha (12-14 jas):

1 oryn – Aǵadil Ývaıdýlla (Túrkistan oblysy),

«Osy atalym boıynsha 15-17 jas aralyǵynda:

1 oryn– Danııar Smaǵulov, Gaýhar Muzafar, Jansaıa Amantaeva (Pavlodar q.).

Baıqaýdyń bas júldesin «Nur-Sultan qalasyndaǵy № 66 mektep-lıtseı oqýshysy Ramazan Mansur ıelendi.


Joǵary qaraı