Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

BQO-nyń Tasqala aýdanyna jańa ákim taǵaıyndaldy

2021 jyldyń 29 qarasha 2021 13:46

ORAL. QazAqparat – QR Prezıdenti Ákimshiligi jáne aýdandyq máslıhat kelisimimen, merıtokratııa qaǵıdattaryna sáıkes Baýyrjan Aıtmaǵambetov Tasqala aýdanynyń ákimi bolyp taǵaıyndaldy, dep habarlaıdy QazAqparat tilshisi.

BQO ákiminiń baspasóz qyzmeti málim etkenindeı, Baýyrjan Esqaıyruly 1981 jyly dúnıege kelgen.

Bilimi – joǵary. Batys Qazaqstan agrarlyq-tehnıkalyq ýnıversıteti men Batys Qazaqstan memlekettik ýnıversıtetin jol qozǵalysyn uıymdastyrý jáne quqyqtaný mamandyqtary boıynsha támamdaǵan.

Ár jyldary «Jaıyq Stroı servıs» JShS-niń menedjeri, Tasqala aýdany ákimi apparaty uıymdastyrý-baqylaý jáne kadr jumysy bóliminiń ekonomıkalyq jáne áleýmettik damý máseleleri boıynsha bas mamany, Tasqala aýdany, Mereke aýyldyq okrýginiń ákimi, Tasqala aýdany turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy, BQO jolaýshylar kóligi jáne avtomobıl joldary basqarmasy basshysynyń orynbasary bolyp jumys jasady.

2020 jyldan bastap BQO jolaýshylar kóligi jáne avtomobıl joldary basqarmasynyń basshysy qyzmetin atqardy.

Eske sala keteıik, budan buryn BQO tilderdi damytý basqarmasyna jańa basshy kelgenin jazǵan bolatynbyz.




Joǵary qaraı