Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıyl Qazaqstanǵa 20 mlrd AQSh dollary kóleminde ınvestıtsııa tartylmaq

2021 jyldyń 29 qarasha 2021 13:32

NUR-SULTAN. QazAqparat – Bıyl Qazaqstanǵa 20 mlrd AQSh dollary kóleminde ınvestıtsııa tartylmaq. Bul týraly QR Ulttyq ekonomıka vıtse-mınıstri Álisher Ábdiqadyrov aıtty, dep habarlaıdy QazAqparat tilshisi.

«Sonymen qatar álemde ınvestıtsııalar tartý salasynda birneshe negizgi trend baıqaldy. Jańa ónerkásiptik revolıýtsııa jáne qundylyqtar tizbeginiń kúrdelenýi jaǵdaıynda IT jáne qyzmetter salasyndaǵy jobalar kóbirek ınvestıtsııalar tartady. Investor úshin iri naryqtardyń jaqyndyǵy, bilikti kadrlardyń bolýy, ınfraqurylym múmkindikteri jáne logıstıkanyń yńǵaılylyǵy sııaqty faktorlar birinshi orynǵa shyǵady. Ákimshilik rásimder úshin, mysaly, «bir tereze» onlaın-tetikteri arqyly tsıfrlyq qyzmetterdiń bolýy áleýetti ınvestorlar úshin belgi sıgnal bolyp sanalady», - dedi Á. Ábdiqadyrov Ortalyq kommýnıkatsııalar qyzmetinde.

Onyń aıtýynsha, Qazaqstanda ótken jyly tikeleı sheteldik ınvestıtsııalar kórsetkishi rekordtyq 30%-ǵa tómendep, 17 mıllıard AQSh dollaryn qurady.

«Al bıyl oń dınamıka baıqaldy. Máselen, osy jyldyń 6 aıynyń qorytyndysy boıynsha el ekonomıkasyna 11,1 mıllıard AQSh dollary somasynda tikeleı sheteldik ınvestıtsııalar tartyldy, bul ótken jyldyń uqsas kezeńinen 30,4%-ǵa artyq (2020 jyldyń 6 aıy – 8,5 mıllıard AQSh dollary). Bıyldyń qorytyndysy boıynsha 20 mlrd AQSh dollary kóleminde ınvestıtsııa tartý josparlanǵan. Al 2023 jylǵa qaraı ınvestıtsııalar pandemııaǵa deıingi deńgeıine (24,4 mıllard AQSh dollary) jetedi dep kútilýde», - dedi vıtse-mınıstr.

Budan buryn habarlanǵandaı, Álisher Ábdiqadyrov pandemııanyń shekteý is-sharalary jaǵdaıynda jahandyq tikeleı shetel ınvestıtsııalary aǵyndary 35%-ǵa tómendegenin aıtty.


Joǵary qaraı