Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ýchastkelik ınspektorlardyń is-áreket algorıtmi ázirlendi - ІІM

2021 jyldyń 29 qarasha 2021 13:10

NUR-SULTAN. QazAqparat – Elimizde ýchaskelik ınspektorlardyń is-áreket algorıtmi ázirlendi. Bul týraly QR ІІM Ákimshilik polıtsııa komıtetiń profılaktıkalyq qyzmet basqarmasynyń bastyǵy Jasulan Baıkenov aıtty, dep habarlaıdy QazAqparat tilshisi.

«Іshki ister mınıstrligi sarapshylarmen birlese ýchastkelik ınspektorlardyń jáne olardyń kómekshileriniń arnaıy is-áreket algorıtmin ázirledi. Bul - qyzmetkerdiń óziniń laýazymdyq mindetterin atqarýdaǵy adymdyq is-áreket jıyntyǵy. Olardy is júzinde naqty jáne birkelki qoldaný, quqyqtyq qatelikter sanyn barynsha qysqartýǵa ákeledi. Halyqaralar tájirıbede mundaı algorıtmder jıi jaǵdaılarda «standartty operatsııalyq tásilder» dep atalady», - dedi ol.

Onyń atap ótýinshe, algorıtmdi ázirleýge 50-den astam vedomstvolyq ǵylym jáne praktıkalyyq býyn mamandary qatysty. Barlyq quqyq bazasy biriktirilip jınaqtaldy. Sondaı-aq, aǵymdaǵy talaptardy eskere otyryp, ýchaskelik polıtseılerdiń biliktiligin arttyrý kýrstarynyń baǵdarlamalary qaıta qarastyryldy. Onda azamattardyń ótinishterine áreket etý sapasyn arttyrý, turǵyndarmen kommýnıkatsııalyq baılanysty jaqsartý qarastyrylǵan.

«Osy jyly ІІM oqý oryndarynda 439 ýchaskelik polıtsııa ınspektory biliktiligin arttyrý kýrstarynan jáne 125-si qaıta daıarlaý kýrstarynan ótti. Kadrlardy irikteý jáne ornalastyrý boıynsha biliktilik talaptary kúsheıtildi», - dedi Jasulan Baıkenov.


Avtor Marlan Jıembaı
Basty sózder: QR ІІM, Qylmyspen kúres,
Joǵary qaraı