Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda qandaı qaldyqtardy kómýge tyıym salynǵan

2021 jyldyń 29 qarasha 2021 12:08

NUR-SULTAN. QazAqparat – QR Premer-Mınıstriniń orynbasary Roman Sklıar elimizde kómýge tyıym salynǵan qaldyqtardy atady, dep habarlaıdy QazAqparat tilshisi.

«Ekologııa kodeksiniń 365-babyna sáıkes, jergilikti atqarýshy organdar turmystyq qatty qaldyqtardy jınaý, tasymaldaý, suryptaý, qalpyna keltirý jáne joıý qyzmetterin júzege asyratyn kásipkerlik sýbektileri úshin qajetti ınfraqurylymdy ázirlep, onyń jumys isteýin qamtamasyz etedi. Palıgondarǵa jetkiziletin qaldyqtardy qysqartý, sapaly qaıtalama shıkizat alý úshin 2016 jyldan beri qaldyqtardyń birqatar túrin, onyń ishinde qurylys qaldyqtaryn kómýge tyıym kezeń-kezeńimen engizildi», - delingen Roman Sklıardyń Májilis depýtattary saýalyna bergen jaýabynda.

Onyń atap ótýinshe, 2016 jyldan bastap quramynda synap bar shamdar men quraldardy, metall qaldyqtaryn, kádege jaratylǵan maı men suıyqtyqtardy, batareıalardy, elektrondy qaldyqtardy polıgondarda kómýge tyıym salynǵan. Al 2019 jyldan beri plastmassa, makýlatýra, karton jáne qaǵaz qaldyqtaryn, shynylardy, 2021 jyldyń 1 qańtarynan qurylys jáne tamaq qaldyqtaryn kómýge bolmaıdy.

«Qaldyqtardy basqaratyn uıymdardyń qyzmetin retke keltirý jáne baqylaý úshin Kodekste habarlandyrý tártibin engizý kózdelgen. Sonymen qatar jańadan zańsyz qoqys alańdarynyń paıda bolýyna jol bermeý maqsatynda qoqys shyǵaratyn uıymdar kólikterine GPS quralyn ornatýǵa jáne kólikterdiń qozǵalysy týraly tolyq aqparatty berip otyrýǵa mindetti», - dedi Úkimet basshysynyń orynbasary.


Avtor Marlan Jıembaı
Basty sózder: Májilis, QR Úkimeti, Ekologııa,
Joǵary qaraı