Aldaǵy úsh táýlikte kún jyly bolady
NUR-SULTAN. QazAqparat – Sınoptıkter Qazaqstan boıynsha 30 qarasha men 2 jeltoqsan aralyǵyndaǵy aýa raıy boljamyn jarııa etti, dep habarlaıdy QazAqparat Qazgıdrometke silteme jasap.
«Aıazdy týdyrǵan sýyq antıtsıklon Qazaqstan aýmaǵynan birtindep shyǵatyn bolady. Onyń ornyna Qara teńiz aýdandarynan jyly Batys tsıklony keledi. Onyń áserinen
jaýyn-shashyndatyp (jańbyr, qar), burqasyn, kóktaıǵaq bolady, sondaı-aq aýa temperatýrasy birtindep joǵarylaıdy. Kúndiz Qazaqstannyń soltústik jartysynda 0-5 gradýsqa deıin, ońtústikte 10-15, Túrkistan oblysynda 20 gradýsqa deıin jylıdy. Tek 2 jeltoqsanda ǵana elimizdiń batys óńirlerine kezekti antıtsıklon aýysady, onymen temperatýranyń azdap tómendeýi kútiledi: túnde 5 gradýs deıin sýytady kúndiz 3 gradýs sýyq pen 5 jyly aralyǵynda.
Mańǵystaý oblysynda —10 gradýs jyly. Respýblıkanyń soltústik-shyǵysy men ońtústik óńirlerinde aýa raıy jaýyn-shashynsyz bolýy yqtımal», - delingen sınoptıkterdiń habarlamasynda.
