Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Oralda 9-13 jastaǵy balalar alǵash ret kókpar saıysyna tústi

2021 jyldyń 29 qarasha 2021 02:42

ORAL. QazAqparat – Oralda Tuńǵysh Prezıdent kúnine oraı balalar arasynda ulttyq sport túrlerinen saıys ótkizildi, dep habarlaıdy QazAqparat tilshisi.

«Oral» sport klýby men «Ishanov» JK birigip uıymdastyrǵan jarysqa atalmysh klýbtyń at sporty bóliminde jattyǵyp júrgen 50-den astam bala qatysty.

Saıystyń alǵashqy kúni balalar aýdaryspaq pen jamby atýdan baq synasa, ekinshi kúni teńge ilý men kókpardyń kórigi qyzdy.








Uıymdastyrýshylardyń aıtýynsha, taı kókpary batys ólkesinde tuńǵysh ret ótip otyr. Munda baq synaǵan balalardyń kishisi 9-da, eń úlkeni – 13-te. Negizi kókpar dodasyna 16 jastan bastap qatysady. Degenmen bul kúni kishkentaı palýandar dodaǵa atoılap, taısalmaı kirdi.

Jarys aldynda arnaıy serke soıylyp, «Oral» sport klýbynyń dırektory Esqabyl Ábilshaquly jas shabandozdarǵa batasyn berdi.

Tórt topqa bólingen komandalar serke men salym úshin ózara qyzý talasqa tústi.












«Jarystyń maqsaty – balalarǵa oıyndy sezindirý, at ústindegi sheberlikterin shyńdap, tájirıbelerin molaıtý. Kókpar oınaýǵa kúsh, ep, bilek pen biliktilik kerek, ol ekiniń biriniń qolynan kelmeıdi. Sondyqtan balalardyń bul oıyny joǵary baǵaǵa laıyq», dedi sport klýbtaǵy kókpar jattyqtyrýshysy Maǵjan Jeńisov.

Úsh saǵatqa sozylǵan teketires nátıjesinde «Bolashaq» komandasy jeńimpaz atandy. «Qyran» ekinshi, «Arlan» úshinshi orynǵa kóterildi. Salymshy retinde Serjan Hamıt, Aısultan Mırazat, Muratqalı Arsen, Boranbaı Ábdýrahman, Aıbarys Mırazat erekshe kózge tústi.

Jarys sońynda barlyq jeńimpazdar arnaıy dıplom, medaldarmen marapattaldy.









Joǵary qaraı