Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tennısten Devıs kýbogy: Qazaqstan Kanadany jeńip, shırek fınalǵa shyqty

2021 jyldyń 28 qarasha 2021 20:21

MADRID. QazAqparat - Madrıdte Devıs kýbogy fınaldyq kezeńiniń toptyq básekesinde Qazaqstan quramasy Kanadany jeńip, shırek fınalǵa shyqty, dep habarlaıdy QazAqparat tilshisi.

Búgin jekeleı synda Qazaqstannyń birinshi raketkasy Aleksandr Býblık Vashek Pospıshılmen sheberlik baıqasty.

Birinshi partııada Býblık eki ret breık jasady - 6:2.

Ekinshi set tartysty órbip, taı-breıkte qazaqstandyq tennısshi qarsylasynyń setbol jasaýyna múmkindik bermedi. Sosyn ózi matchbolyn múlt jibergen joq - 7:6 (8:6).

Báseke barysynda Býblık 18 eıs jasady. Sóıtip A.Býblık esepti 2:0-ge jetkizdi. Endi juptyq báseke eshteńeni sheshpeıdi.

Osylaısha Qazaqstan quramasy keshe Shvetsııany jeńse, búgin Kanadany súrindirip, altynshy ret Devıs kýbogynyń shırek fınalyna shyqty.

Eske sala keteıik, budan buryn Qazaqstan quramasynyń Shvetsııany jeńgenin, Anna Danılınanyń Dýbaıdaǵy jarysta jeńimpaz atanǵanyn jazǵan bolatynbyz.

Sondaı-aq Mıhaıl Kýkýshkın Qazaqstan - Kanada matchyn jeńispen bastady.

Avtor Eljan Eraly
Basty sózder: Qoǵam, Sport,
Joǵary qaraı