Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Dúısenbi kúnge aýa raıy boljamy

2021 jyldyń 29 qarasha 2021 04:13

NUR-SULTAN. QazAqparat – 29 qarashada respýblıkanyń basym bóligi áli de aýqymdy antıtsıklon yqpalynda bolady. Soǵan baılanysty jaýyn-shashynsyz aýa raıy kútiledi. Eldiń tek qıyr batysynda tsıklon jyrasynyń áserinen jańbyr men qar túrindegi azdaǵan jaýyn-shashyn, kóktaıǵaq bolady. Sonymen qatar barlyq óńirde tuman, ekpindi jel boljanady, dep habarlaıdy QazAqparat «Qazgıdromet» RMK-ǵa silteme jasap.

Atap aıtqanda, Jambyl oblysynyń taýly jáne taý bókterindegi aýdandarynda tuman kútiledi, soltústik-shyǵysynda jáne taýly aýdandarynda 15-20 m/s ekpinmen jel turady. Túnde kúshi 23-28 m/s artady.

Almaty oblysynyń Alakól aýdanynda jeldiń ekpini 28 m/s kúsheıedi. Shyǵys Qazaqstan oblysynyń Jarma aýdanynda jel 15-20 m/s jetedi. Batys Qazaqstan oblysynyń soltústik-batysynda, soltústiginde kóktaıǵaq, soltústiginde tuman kútiledi.

Túrkistan oblysynyń ońtústiginde, Mańǵystaý, Qostanaı oblystarynyń soltústiginde, Atyraý oblysynyń batysy men ortalyǵynda tuman boljanady.

Eske salaıyq, sınoptıkter 4 óńirde eskertý jarııalaǵan bolatyn.


Basty sózder: Qazgıdromet, Aýa raıy,
Joǵary qaraı