Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyq stýdentter halyqaralyq olımpıadanyń jeńimpazy atandy

2021 jyldyń 28 qarasha 2021 17:21

NUR-SULTAN. QazAqparat – Qazaqstandyq stýdentteri elektrohımııalyq materıaltaný boıynsha halyqaralyq olımpıadanyń jeńimpazdary atandy, dep habarlaıdy QazAqparat.

Nazarbaev Ýnıversıtetiniń stýdentterinen quralǵan top hımııa jáne hımııalyq tehnologııa boıynsha XI Birimjanov atyndaǵy halyqaralyq kongress aıasynda uıymdastyrylǵan elektrohımııalyq materıaltaný boıynsha halyqaralyq olımpıadanyń jeńimpazy atandy. Olımpıadv 18 qarasha kúni Almatyda ótti. Oǵan Izraıl, Frantsııa, Reseı jáne Qazaqstan komandalary qatysty

«Iondar» dep atalatyn NÝ tobynyń quramynda magıstratýra stýdentteri Ásel Serikqazıeva, Erkejan Erkinbekova, Aqtilek Ahmetova jáne PhD stýdenti Nurbol Tolǵanbek boldy.

«Bizdiń top jarysqa birneshe kún qalǵanda quryldy, alǵash ret birge jumys jasadyq. Ýnıversıtetimizde jáne akkýmýlıatorlar tobynda olımpıadaǵa qajet barlyq hımııalyq zattar men qural-jabdyqtar bolǵandyqtan, qıyndyq kórgen joqpyz jáne ony baǵalaımyz», - dedi Nurbol Tolǵanbek.

Olımpıada barysynda tórt saǵattyq onlaın telekópir ótti jáne sol ýaqyt aralyǵynda stýdentter elektrohımııa jáne materıaltaný boıynsha úsh tájirıbelik jumysty sheship, jaqsy nátıje kórsetti.

«Olımpıada esepterin sheshýdiń eń qolaıly ádisterin jyldam tańdaý kerek boldy, sondyqtan negizgi mindet elektrohımııa jáne materıaltaný boıynsha alǵan barlyq bilimderimizdi suryptaý boldy. Ýaqyt shekteýli bolǵan kezde, bul birshama kurdeli eken.. Degenmen, jeńiske umtylǵan tórt adam tapsyrmalardy tıimdi uıymdastyryp, tarata alatynyna kózimiz jetti», - dep bólisti Aqtilek Ahmetova.


Joǵary qaraı