Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Mańǵystaý óńiriniń qandaı týrıstik oryndaryna jol salynady

2021 jyldyń 28 qarasha 2021 15:33

NUR-SULTAN. QazAqparat – Mańǵystaý oblysynyń birqatar týrıstik oryndaryna avtomobıl jolyn salý josparlanyp otyr. Bul jaıynda Senat depýtattarynyń saýalyna Premer-Mınıstrdiń jaýabynda aıtylǵan, dep habarlaıdy QazAqparat tilshisi.

Úkimet basshysy jaýabyna qaraǵanda «Saýra», «Tamshaly», «Sultan-Epe» jáne «Shaqpaq-ata» oryndaryna baratyn joldardyń jalpy quny 2,7 mlrd teńgeni quraıtyn 4 jobalaý-smetalyq qujattamasy ázirlendi. Uzyndyǵy 8,3 shaqyrym bolatyn «Saýra» shatqalynyń kireberisine avtomobıl jolyn salý» jobasyna 620 mln teńge, uzyndyǵy 20 shaqyrymdyq «Tamshaly» shatqalynyń kireberisine avtomobıl jolyn salýǵa» 1 237 mln teńge, uzyndyǵy 14,5 shaqyrymdyq «Sultan-Epe» qorymyna kireberis avtomobıl jolyn salýǵa» 823 mln teńge jáne uzyndyǵy 3,7 shaqyrymdyq «Shaqpaq-ata» qorymyna kireberis avtomobıl jolyn salýǵa» 80 mln teńge kózdelgen.

«Joǵaryda atalǵan joldar boıynsha osy jyldyń sońynda deıin Mańǵystaý oblysy ákimdigi respýblıkalyq bıýdjetten qarajat bólýge bıýdjettik ótinim berýdi josparlap otyr. Sonymen qatar Mańǵystaý oblysyndaǵy týrıstik oryndarǵa jol salý maqsatynda «Mys jylandy», «Otpan taý», «Torysh», «Aıraqty» jáne «Aqmysh-Sherqala-Samal» baǵytyndaǵy avtomobıl joldaryn salýǵa JSQ ázirleý úshin jobalaý-izdestirý jumystary júrgizilýde. Jobalaý-izdestirý jumystary aıaqtalǵannan keıin 2022 jyly atalǵan jobalar boıynsha JSQ ázirleý maqsatynda qarjylandyrý máselesi qarastyrylatyn bolady. Teńiz jaǵalaýyndaǵy Aqtaý qalasynan Quryq portyna deıingi avtomobıl jolyn damytý boıynsha jalpy quny 17,8 mlrd teńgeni quraıtyn, uzyndyǵy 70,8 shaqyrymdy qamtıtyn 5 joba jasaqtaldy. Búgingi tańda tórt joba boıynsha jumystar júrgizilýde», - dep atap ótedi Premer-Mınıstr.

Asqar Mamın jaýabyna sáıkes birinshisi - «MAEK-KazAtomprom» sý alǵyshynan «Alaý» balalar saýyqtyrý lagerine deıin a/j rekonstrýktsııalaý» (jalpy uzyndyǵy – 27 shaqyrym, quny – 7 432 mln teńge). Avtomobıl joly 2 ýchaskege bólingen. Birinshi ýchaske: «MAEK» sý jınaý kanalynan «Tree of life» demalys bazasyna deıin - 15,6 shaqyrym. Birinshi ýchaske boıynsha («MAEK» sý jınaý arnasynan «Tree of life» demalys bazasyna deıin) jol jóndeý jumystary aıaqtaldy. Al ekinshi ýchaskede («Tree of Life» demalys bazasynan «Alaý» balalardy saýyqtandyrý lagerine deıin) jol jóndeý jumystary júrgizilýde.

Ekinshi joba - uzyndyǵy 70 metr bolatyn «Shora» avtojol kópirin rekonstrýktsııalaý (jalpy quny – 1 246 mln teńge. Qazirgi tańda joba tolyǵymen aıaqtalyp, iske qosyldy).

Úshinshi joba - «Ómirzaq» kentinen bastap Aqtaý qalasynyń Jyly jaǵajaıyna deıin avtomobıl jolyn salý – 4,6 shaqrym (jalpy quny – 2 682 mln teńge. Qazirgi tańda, jol jóndeý jumystary aıaqtaldy)

Tórtinshisi - «№3 jáne №1 a/j (Honda center) qıylysynan Ómirzaq aýylynyń «T» beıneli qıylysyna deıingi ýchaskeni rekonstrýktsııalaý (jalpy quny – 1 897 mln teńge Qazirgi tańda, asfalt jabyndysy tolyǵymen tóselip, velojol, trotýar salyndy).

«Budan basqa, «MAEK» sý alǵyshynan Quryq teńiz portyna deıin (II – kezek) avtomobıl jolyn rekonstrýktsııalaý» jobasynyń (uzyndyǵy – 34,7 shaqyrym, jobanyń quny – 4,2 mlrd teńge) JSQ-na saraptamanyń oń qorytyndysy alynǵan. Atalǵan jobany iske asyrý 2022 jylǵa josparlanǵan», - dedi Úkimet basshysy.


Joǵary qaraı