Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty oblysynda birneshe kólik apaty boldy, kóz jumǵandar bar

2021 jyldyń 28 qarasha 2021 13:29

TALDYQORǴAN. QazAqparat – Almaty oblysynda 27 qarasha kúni birneshe kólik apaty bolyp, eki adam kóz jumdy, dep habarlaıdy QazAqparat tilshisi.

Kólik apatynyń vıdeosyn jelige kýágerler jarııalady.


«Qulja tas jolynda adamdy qaǵyp ketti. Abaı bolyńyzdar. Adam qaqqan kóliktiń osyndaı bolýy úshin ol qandaı jyldamdyqpen júrdi eken»-, deıdi vıdeoǵa túsirip turǵan avtor.
Almaty oblystyq polıtsııa departamentiniń baspasóz qyzmeti atalǵan oqıǵaǵa qatysty pikir bildirdi.
«Bul fakti 27 qarasha kúni túngi saǵat 23:00 shamasynda Talǵar aýdanynda bolǵan. Aldyn ala boljam boıynsha, Kıa-Rıo kóliginiń 21jastaǵy júrgizýshisi «Almaty-Kókpek-Kóktal» tas jolynda rólge ıe bola almaı, jaıaý júrginshini qaǵyp ketti. 52 jastaǵy adam oqıǵa ornynda mert boldy» - delingen vedomstvonyń habarlamasynda.
Qazir QR QK 345-baby 3-bóligine sáıkes is qozǵalyp, saraptamalar taǵaıyndalyp, sotqa deıingi tergeý júrip jatyr.

Sonymen qatar 27 qarasha kúni Almaty oblysynda úsh kólik soqtyǵysyp, 13 jastaǵy bala mert boldy. Oqıǵa «Almaty-Kókpek-Kóktal» tas jolynda bolǵan.

Aldyn ala boljam boıynsha, Kia Sportage kóligi batys baǵytpen kele jatyp, burylysta burylǵaly turǵan Volkswagen Golf kóligine soǵylǵan. Soqqynyń saldarynan Volkswagen Golf qarsy baǵytqa shyǵyp ketip,Toyota Ipsum kóligine soǵylǵan.


Avtor Samal Qabysheva
Basty sózder: Almaty oblysy, Kólik, Oqıǵa, Vıdeo,
Joǵary qaraı