Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda apta ishinde bolǵan kadrlyq taǵaıyndaýlar

2021 jyldyń 28 qarasha 2021 12:39

NUR-SULTAN. QazAqparat – Elimizde ótken apta ishinde birqatar kadrlyq aýys-túıis boldy, dep habarlaıdy QazAqparat.

23 qarasha kúni Nursultan Nazarbaev «Nur Otan» partııasynyń Tóraǵasy ókilettigin Prezıdentke tapsyrý týraly sheshim qabyldady.

«Saıası keńestiń keńeıtilgen otyrysynda Nursultan Nazarbaev «Nur Otan» partııasynyń Tóraǵasy ókilettigin tapsyrý týraly sheshim qabyldaı otyryp, partııany el Prezıdenti basqarýy kerektigin atap ótti. Ókilettikti berý rásimi partııa jarǵysyna saı júzege asatyn bolady», - delingen habarlamada.

24 qarasha kúni Memleket basshysynyń Jarlyǵymen Amandyq Ǵabbasuly Batalov Almaty oblysynyń ákimi laýazymynan bosatyldy.

QR Prezıdenti Ákimshiliginiń Basshysy Erlan Qoshanovtyń qatysýymen Almaty oblysynyń ákimdiginde oblystyq máslıhattyń kezekten tys sessııa ótti. Jıynda oblys máslıhattyń depýtattary Amandyq Batalovty qyzmetinen bosatý jónindegi sheshimge daýys berdi.

Óz kezinde Erlan Qoshanov Almaty oblysynyń ákimi Amandyq Batalovqa buǵan deıin atqarǵan jumystaryna alǵys bildirdi.

Amandyq Batalov 1952 jyly Ózbek KSR Núkiste dúnıege kelgen.

Jambyl gıdromelıoratıvtik-qurylys ınstıtýtyn bitirgen.

1981-1985 jyldary - «Almatyóńdeýqurylys» tresiniń №37 qurylys-montaj basqarmasynda aǵa prorab, bas ınjener, bastyq.

1985-1987 jyldary - Qazaqstan Kompartııasy Lenın aýdandyq komıtetiniń nusqaýshysy Qurylys jáne óndiristik qurylys materıaldary qyzmetkerleri kásipodaǵy Almaty oblystyq komıtetiniń hatshysy Qazaqstan KP Almaty qalalyq komıtetiniń qurylys jáne qala sharýashylyǵy bóliminiń nusqaýshysy.

1987-1989 jyldary - qurylys jáne ónerkásiptik qurylys materıaldary oblystyq komıtetiniń tóraǵasy.

1989-1991 jyldary - Qazaq KSR Mınıstrler Keńesi Іs basqarmasynyń qurylys, ónerkásip qurylys materıaldary bóliminde jetekshi maman, bas maman.

1991-1992 jyldary - QR Prezıdenti apparatynda qurylys, ónerkásiptik qurylys materıaldary bóliminiń referenti.

1992 jyly - «Qurylys ındýstrııasy jáne tehnologııa» kontserniniń vıtse-prezıdenti.

1992-1994 jyldary - Almaty qalasy Kalının aýdany ákimshiligi basshysynyń orynbasary, birinshi orynbasary.

1994-1995 jyldary - Lenın aýdandyq ákimshiliginiń ákimi.

1995-2001 jyldary - Almaty qalasy Jetisý aýdanynyń ákimi.

2001-2008 jyldary - Almaty oblysy ákiminiń orynbasary.

2008 jyldan beri Almaty oblysy ákiminiń birinshi orynbasary qyzmetin atqardy.

2014 jyldyń tamyz aıynan ber Almaty oblysynyń ákimi boldy.

Sol kúni Qanat Bozymbaev Almaty oblysynyń ákimi bolyp taǵaıyndaldy.

«Qanat Aldabergenuly Bozymbaev Almaty oblysynyń ákimi bolyp taǵaıyndalsyn, ol Qazaqstan Respýblıkasy Prezıdentiniń kómekshisi laýazymynan bosatylsyn», - delingen QR Prezıdentiniń Jarlyǵy mátininde.

Qanat Bozymbaev 1969 jyly Almaty qalasynda dúnıege kelgen.

1993 jyly Qazaq memlekettik basqarý akademııasyn ekonomıst mamandyǵy boıynsha támamdaǵan.

Eńbek jolyn 1993 jyly «Edem LTD» jaýapkershiligi shekteýli seriktestiginde ekonomıst bolyp bastaǵan.

1994-1997 jyldary Almaty qalasy ákiminiń kómekshisi.

1997 jyly «Almaz jáne Kompanııa» kompanııasynyń ekonomıkalyq máseleler jónindegi dırektory, Qazaqstan Respýblıkasy Ekonomıka jáne saýda mınıstrliginiń óńirlik saıasat bóliminiń basshysy.

1997-1998 jyldary «Munaı tasymaldaý jónindegi «QazTransOıl» ulttyq kompanııasy» jabyq aktsıonerlik qoǵamynyń jıyntyq-qarjylyq departamentiniń bastyǵy, ekonomıkalyq máseleler boıynsha vıtse-prezıdenti.

1998-2000 jyldar aralyǵynda Qazaqstan Respýblıkasy Energetıka, ındýstrııa jáne saýda mınıstrliginiń munaı jáne gaz departamentiniń basshysy.

2000-2001 aralyǵynda Qazaqstan Respýblıkasynyń Energetıka, ındýstrııa jáne saýda vıtse-mınıstri, «KEGOC» ashyq aktsıonerlik qoǵamynyń birinshi vıtse-prezıdenti bolǵan.

2001-2007 jyldar aralyǵynda «KEGOC» ashyq aktsıonerlik qoǵamynyń prezıdenti.

2007-2009 jyldar aralyǵynda «Memlekettik aktıvterdi basqarý jónindegi «Samuryq» holdıngi» aktsıonerlik qoǵamynyń Basqarma tóraǵasy, «KEGOC» aktsıonerlik qoǵamynyń Basqarma tóraǵasy.

2009-2013 jyldar aralyǵynda Jambyl oblysynyń ákimi.

2013-2016 jyldar aralyǵynda Pavlodar oblysynyń ákimi.

2016-2019 jyldar aralyǵynda Qazaqstan Respýblıkasynyń Energetıka mınıstri.

2019 jyldyń 18 jeltoqsanynda Memleket basshysynyń Jarlyǵymen Qazaqstan Respýblıkasy Prezıdentiniń kómekshisi bolyp taǵaıyndalǵan.

Qazaq, orys, aǵylshyn tilderin biledi.

24 qarashada «KEGOC» AQ aktsıonerleriniń kezekten tys jalpy jınalysy ótti. Baqytjan Qajıevtyń óz usynysymen «KEGOC»AQ Basqarma tóraǵasy jáne Dırektorlar keńesiniń múshesi retindegi ókilettigi merziminen buryn toqtatyldy.

«KEGOC» AQ Aktsıonerleriniń kezekten tys jalpy jınalysynyń sheshimimen Basqarma tóraǵasy bolyp Qanysh Moldabaev úsh jyl merzimge taǵaıyndaldy, onyń Dırektorlar keńesiniń tóraǵasy retindegi ókilettigi de merziminen buryn toqtatyldy. Al Dırektorlar keńesiniń tóraǵasy bolyp Súıinshilik Tıesov saılandy.

Sonymen qatar Ernat Berdiǵulovty «Samuryq-Qazyna» AQ múddeleriniń ókili retinde «KEGOC» AQ Dırektorlar keńesiniń múshesi etip saılaý týraly sheshim qabyldandy.

S.A. Tıesov pen E. K. Berdiǵulovtyń ókilettik merzimi jalpy «KEGOC» AQ Dırektorlar keńesiniń ókilettik merzimi aıaqtalǵanǵa deıingi merzimge belgilengen.

Juma kúni ShQO Jumyspen qamtý basqarmasyna jańa basshy keldi.

Oblystyq Jumyspen qamtý jáne áleýmettik baǵdarlamalardy úılestirý basqarmasynyń jańa basshysy bolyp Almıra Mýsınova taǵaıyndaldy.

Almıra Áskerhanqyzy – 1976 jyly 2 naýryzda Shyǵys Qazaqstan oblysy Katonqaraǵaı aýdany Medvedka aýylynda dúnıege kelgen.

S.Amanjolov atyndaǵy ShQÝ-dy «Dúnıejúzi tarıhy» mamandyǵy boıynsha bitirdi.

Eńbek jolyn Jezqazǵan qalasynyń ІІB jeke kúzet batalonynyń serjanty bolyp bastady.

2009-2010 jyldary Óskemen qalasy ákimdiginiń uıymdastyrý-baqylaý jáne kadr jumysy bóliminiń bas mamany.

2010-2011 jyldary atalǵan ákimdikte áleýmettik-saıası jaǵdaıdy taldaý bóliminiń meńgerýshisi.

2011-2013 jyldary aralyǵynda Óskemen qalasy ákiminiń áleýmettik blok boıynsha bas ınspektory boldy.

2013-2014 jyldary qala ákiminiń keńesshisi.

2014 jyldan bastap 2020 jylǵa deıin – Óskemen qalasy ákimdiginiń uıymdastyrý-ınspektorlyq jumys bóliminiń basshysy laýazymyn atqarǵan.

2020 jyldyń qańtar aıynan osy ýaqytqa deıin Óskemen qalalyq jumyspen qamtý jáne áleýmettik baǵdarlamalar bóliminiń basshysy bolyp eńbek etti.


Avtor Álı Ibraev
Basty sózder: Taǵaıyndaý,
Joǵary qaraı