Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

AQSh-tyń Halyqaralyq dinı bostandyq komıssııasy QR Prezıdenti bastamalaryn oń baǵalady

2021 jyldyń 27 qarasha 2021 21:16

NUR-SULTAN. QazAqparat - AQSh-tyń Halyqaralyq dinı bostandyq jónindegi komıssııasy álemdegi dinı bostandyqqa qatysty ahýal týraly dástúrli baıandamasyn jarııalady. Bul týraly QR Prezıdentiniń baspasóz hatshysy Berik Ýálı málim etti, dep habarlaıdy QazAqparpat.

Komıssııanyń 2020 jyldaǵy álemdegi dinı bostandyqqa qatysty ahýalǵa arnalǵan baıandamasynda oń ózgerister týraly jáne Memleket basshysy Qasym-Jomart Toqaevtyń dinı bostandyq salasyn jaqsartý boıynsha bastamalary jazylǵan.

«19 qarashada Komıssııa tóraǵasy Nadın Maenza men onyń orynbasary Nýrı Týrkel «Qazaqstan Respýblıkasynyń vızýaldy aqparat jáne dinı qyzmet máseleleri jónindegi keıbir zańnamalyq aktilerge ózgertýler men tolyqtyrýlar engizý týraly» QR Zań jobasyna jasalǵan bıylǵy qarashadaǵy túzetýlerge resmı túsindirme joldady.

Komıssııa tóraǵasy Nadın Maenza jáne onyń orynbasary Nýrı Týrkeldiń atynan joldanǵan hatta dinı senim erkindigi salasyndaǵy reformalarǵa turaqty beıildigi úshin elimizdiń Úkimetine rızashylyq bildirilgen. Bul dinı qyzmetti retteý máselesine qatysty usynylǵan túzetýlerdi sholyp, qaıta qaraǵan kezde elimizdiń beıildiligi taǵy da naqtylandy», - dep jazady B.Ýálı.

Hat mazmunynda: «Qabyldanyp jatqan reformalarǵa ýaqyt qajet ekenin moıyndaı otyryp, qazirgi zańnamaǵa engizilmegen máselelerdi sheshý isin qosa alǵanda, biz, sizderdiń nıetterińizdiń túzý ekenine senimdimiz. Usynylǵan túzetýler jobasy naqty ilgerileýdi bildiredi. Al bul jobalardyń jaqynda qaıta qaralýy Komıssııanyń, AQSh úkimetindegi áriptesterimizdiń jáne azamattyq qoǵamnyń kótergen máselelerin qarastyrýda Qazaqstan úkimetiniń shynaıy kúsh jumyldyrǵanyn kórsetedi», – delingen.

Sonymen qatar túsindirmede Qazaqstan men AQSh arasyndaǵy Dinı bostandyq jónindegi saraptama jumys tobynyń aldaǵy otyrystary barysynda dinı senimdi kemsitýshilikti qylmysqa sanaý jáne ony mindetti tirkeý máseleleri boıynsha birlesken dıalogty jalǵastyrýǵa umtylatyny aıtylǵan.

Sonymen qatar Qazaqstan Úkimeti men Komıssııa arasyndaǵy jumys qatynastaryna joǵary baǵa berilgen.





Joǵary qaraı