Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Múlik salyǵy boıynsha bereshegi joǵary óńirler ataldy

2021 jyldyń 27 qarasha 2021 20:04

NUR-SULTAN. QazAqparat – QR QM Memlekettik kirister komıteti jyljymaıtyn múlik salyǵy boıynsha turǵyndar bereshegi joǵary óńirlerdi atady, dep habarlaıdy QazAqparat tilshisi.

«Boryshkerlerdiń sany eń kóp qalalardyń kóshin bastap turǵandar: Shymkent qalasy – 602,5 mln teńge jalpy bereshegi bar 65 myń jeke tulǵa, Almaty qalasy – 628,6 mln teńge jalpy bereshegi bar 58 myń jeke tulǵa jáne Nur-Sultan qalasy – 438,1 mln teńge jalpy bereshegi bar 38 myń jeke tulǵa», - delingen komıtet aqparatynda.

Vedomstvo málimetinshe, 2021 jylǵy 10 aıdyń qorytyndysy boıynsha jeke tulǵalardyń menshiktegi jyljymaıtyn múlik boıynsha salyq beresheginiń somasy 3,2 mlrd teńgeni quraıdy.

«2020 jylǵa múlik salyǵyn tóleý merzimi 2021 jyldyń 1 qazanynda aıaqtaldy. Sodan keıin salyq organdary boryshkerlerge salyq bereshegi týraly habarlama jibergen bolatyn. Salyq bereshegi týraly habarlama tabys etilgen kúnnen bastap 30 jumys kúni ótken soń 1 eselengen aılyq eseptik kórsetkish (2917 teńge) mólsherinde salyq bereshegi tólenbegen jaǵdaıda salyq organy salyq buıryǵyn shyǵarady», - dep atap ótedi komıtetten.


Joǵary qaraı