Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kaspııdiń Qazaqstan bóliginde teńiz vokzaly salyna ma

2021 jyldyń 27 qarasha 2021 13:33

NUR-SULTAN. QazAqparat – Aqtaý nemese Quryq porttarynda jeke jolaýshylar termınalynyń qurylysyn qaraý úshin jetkilikti jolaýshylar aǵyny baıqalmaıdy. Bul jaıynda Senat depýtattarynyń saýalyna QR Premer-Mınıstri Asqar Mamınniń jaýabynda aıtylǵan, dep habarlaıdy QazAqparat tilshisi.

«Qazirgi tańda QR Indýstrııa jáne ınfraqurylymdyq damý mınıstirligi aqparatyna sáıkes, Aqtaý nemese Quryq porttarynda jeke jolaýshylar termınalynyń qurylysyn qaraý úshin jetkilikti jolaýshylar aǵyny baıqalmaıdy. Bul rette, Aqtaý jáne Quryq teńiz porttarynyń qoldanystaǵy ınfraqurylymy aralas «ózen-teńiz» júzý aýdanynyń jolaýshylar kemelerin(«Uly Petr» teplohody sııaqty) qabyldaýǵa múmkindik beredi. Aqtaý portyndaǵy №8 paromdyq aılaq (aılaq qabyrǵasynyń uzyndyǵy - 130 metr, tereńdigi - 5 metr) jáne Quryq portyndaǵy avtoparomdyq aılaq (aılaq qabyrǵasynyń uzyndyǵy - 174 metr, tereńdigi – 6,5 metr) jolaýshylar kemesin qabyldaýǵa arnalǵan. 2022 jyldyń 2 jartyjyldyǵyna Kaspıı teńizi boıynsha Aqtaý jáne Astrahan qalalary arasynda «Uly Petr» krýızdik kemesin iske asyrý josparlanǵan», - delingen Úkimet basshysynyń jaýabynda.

Onyń atap ótýinshe, Quryq portynda jolaýshylardy ótkizý pýnkti men kedendik baqylaý aımaǵy jumys isteıdi.

«Ol is júzinde teńiz vokzalynyń qyzmetin atqarady. Ǵımaratta teńiz vokzaldarynda kózdelgen barlyq fýnktsıonaldyq aımaqtar (baqylaý-ótkizý pýnktteri, kútý zaly, bılet kassasy, valıýta aıyrbastaý pýnkti, qonaq úı, ashana, kafeterıı jáne t.b.) bar. Ótkizý qabileti jylyna 90 myń jolaýshyny quraıdy», - dedi Premer-Mınıstr.


Joǵary qaraı