Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda 4 apta qatarynan azyq-túlik baǵasynyń nóldik ósimi tirkeldi

2021 jyldyń 27 qarasha 2021 11:36

NUR-SULTAN. QazAqparat - QR Premer-Mınıstri Asqar Mamın Úkimettiń Tsıfrlyq keńsesinde ortalyq memlekettik organdar basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlarynyń (ÁMAT) baǵasyn retteý máselesi jóninde keńes ótkizdi. Bul týraly QazAqparat primeminister.kz saıtyna silteme jasap habarlaıdy.

Qazirgi jaǵdaı men atqarylyp jatqan jumys týraly saýda jáne ıntegratsııa vıtse-mınıstri Erjan Qaldybaev, aýyl sharýashylyǵy mınıstri Erbol Qarashókeev, Básekelestikti qorǵaý jáne damytý agenttiginiń tóraǵasy Serik Jumanǵarın, Qyzylorda oblysynyń ákimi Gúlshara Ábdiqalyqova, Nur-Sultan qalasynyń ákimi Altaı Kólginov jáne t. b. baıandady.

Ótken aptada Qazaqstanda áleýmettik mańyzy bar azyq-túlik taýarlary baǵasynyń jalpy ósý ındeksi 0,0% qurady.

Qabyldanǵan sharalar esebinen tórtinshi apta qatarynan pııaz (-0,9%), tuz (-0,4%), kúrish (-0,3%) baǵasynyń tómendeýi baıqalady. Sondaı-aq sıyr eti, rojkı jáne un baǵasynyń tómendeýi (-0,1%) tirkeledi. Qalǵan ónimder boıynsha baǵalar turaqty. «Aınalym shemasyn» qarjylandyrýdyń nysanaly deńgeıi el boıynsha 97,7%-ǵa qamtamasyz etildi. «Aınalym shemasy» boıynsha tıimdi jumys Nur-Sultan, Almaty jáne Shymkent qalalarynda, Almaty, Shyǵys Qazaqstan, Batys Qazaqstan, Qostanaı, Soltústik Qazaqstan jáne Túrkistan oblystarynda baıqalady. Qyzylorda jáne Mańǵystaý oblystarynda júrgizilip jatqan jumystardyń deńgeıi tómen bolyp qalyp otyr.

Ótken aptada Básekelestikti qorǵaý jáne damytý agenttigi Jambyl, Soltústik Qazaqstan, Qyzylorda jáne Aqtóbe oblystaryndaǵy qus eti men qant naryǵy sýbektileriniń atyna baǵalyq sóz baılasý jáne ústem jaǵdaıdy teris paıdalaný belgileriniń bolýy týraly 10 habarlama jiberdi. Almaty, Atyraý jáne Shyǵys Qazaqstan oblystaryndaǵy óndirýshilermen, kóterme jetkizýshilermen jáne saýda jelilerimen monopolııaǵa qarsy komplaenstiń 6 aktisi jasaldy. Jalpy, respýblıka boıynsha monopolııaǵa qarsy komplaenstiń 160 aktisi jasaldy.

Premer-Mınıstr ortalyq memlekettik jáne jergilikti atqarýshy organdarǵa áleýmettik mańyzy bar azyq-túlik ónimderiniń baǵasyn turaqtandyrý jáne tómendetý, sondaı-aq ınflıatsııanyń jalpy deńgeıin 8,5% sheginde ustap turý boıynsha jumysty jalǵastyrýdy tapsyrdy.

Óńirlerdiń ákimdikterine bes aılyq azyq-túlik qoryn qamtamasyz etý jáne baǵanyń qymbattaýyna jol bermeý úshin ýaqytyly ınterventsııa júrgizý tapsyryldy.

Úkimet basshysy baǵa belgileýdiń barlyq tizbegi boıynsha deldaldyq shemalardy tergeý jónindegi óńirlik komıssııalardyń jumysyn jandandyrý qajettigine erekshe nazar aýdardy.




Joǵary qaraı