Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Eldegi árbir úshinshi keli qus eti Aqmola oblysynda óndiriledi

2021 jyldyń 27 qarasha 2021 01:50

NUR-SULTAN. QazAqparat – Aqmola oblysynyń ákimi Ermek Marjyqpaev óńirdegi et jáne sút ónimderi óndirisin baıandady, dep habarlaıdy QazAqparat.

«Respýblıka aýmaǵynda árbir úshinshi keli qus eti, óńdelgen súttiń árbir besinshi lıtri, árbir tórtinshi jumyrtqa Aqmola oblysynda óndirilgen. Osy sanattaǵy sharýashylyqtar 153 myń tonna et, 352 myń tonna sút jáne 655 mln taǵamdyq jumyrtqa óndirdi», - dedi Ermek Marjyqpaev Óńirlik kommýnıkatsııalar ortalyǵynda ótken brıfıngide.

Ákimniń aıtýynsha, óńirde qolaıly mal qystaýy úshin qajetti azyqty qamtamasyz etý boıynsha barlyq shara qabyldanǵan.

«Et jáne sút sharýashylyǵy belsendi damyp jatyr. Biz kezeń-kezeńimen ár aýdanda et jáne sút-taýar fermasyn qurý maqsatyna kele jatyrmyz. Bıyl óńirde bes myń malǵa 102 et fermasy jáne eki myńnan astam malǵa 17 sút-taýar fermasy quryldy. Importty almastyrý úshin qus sharýashylyǵy damýda. Makınka qus fabrıkasynyń úshinshi kezegi 2022 jyly iske qosylady. Osy arqyly fabrıka qýatty jylyna 75 myń tonnaǵa jetip, 2 myńǵa jýyq jańa jumys orny ashylady. Bul óńirdiń eksporttyq áleýetin aıtarlyqtaı keńeıtýge múmkindik beredi», - dedi óńir basshysy.

Buǵan deıin Ermek Marjyqpaev óńirdegi astyq jınaý jumystaryn baıandaǵan edi.



Joǵary qaraı