Senbidegi aýa raıy: Tuman, kóktaıǵaq, kúshti jel

NUR-SULTAN. QazAqparat - Sınoptıkterdiń boljaýynsha senbi kúni elimizde tuman túsip, kóktaıǵaq bolady, jel kúsheıip, soltústikte boran soǵýy yqtımal, dep habarlaıdy QazAqparat Qazgıdrometke silteme jasap.

27 qarashada a ýqymdy antıtsıklonnyń áserinen respýblıkanyń basym bóliginde kún raıy ashyq bolady, tek elimizdiń qıyr soltústiginde jáne ońtústik-shyǵystyń taýly aýdandarynda qar jaýady. Sondaı-aq, elimizde tuman túsip, kóktaıǵaq bolady, jel kúsheıip, soltústikte boran soǵýy yqtımal.

Aqmola oblysynyń soltústik-batysynda jaıaý boran soǵady, oblystyń soltústiginde, shyǵysynda jel 15-20 m/s kúsheıýi múmkin.

Almaty oblysynyń Jalańashkól aýdanynda jel 17-22 m/s kúsheıýi yqtımal.

Túnde jáne tańerteń Túrkistan oblysynyń taýly aýdandarynda tuman túsedi, kúndiz jel 15-20 m/s kúsheıýi múmkin.

Batys Qazaqstan, Atyraý oblystarynyń batysynda, soltústik-batysynda, Aqtóbe oblysynyń ortalyǵynda, Qaraǵandy, Shyǵys Qazaqstan oblystarynyń soltústiginde tuman túsýi múmkin.

Mańǵystaý oblysynyń soltústik-batysynda, soltústik–shyǵysynda kóktaıǵaq bolýy yqtımal.

Qostanaı oblysynyń soltústik-shyǵysynda jel 15-20 m/s kúsheıip, túnde boran soǵýy yqtımal.

Soltústik Qazaqstan oblysynda jel 15-20 m/s kúsheıedi, kúndiz oblystyń soltústik-shyǵysynda, ońtústiginde ekpini 23-28 m/s jetedi, oblystyń soltústik-shyǵysynda boran soǵady.

Kúndiz Pavlodar oblysynyń batysy men soltústiginde jel 15-20 m/s kúsheıedi, oblystyń soltústiginde jaıaý burqasyn soǵýy yqtımal.

Qyzylorda oblysynyń ortalyǵynda tuman túsip, kúndiz jeldiń jyldamdyǵy 15-20 m/s jetedi.

Jambyl oblysynyń soltústiginde jáne taýly aýdandarynda tuman túsip, kóktaıǵaq bolady, oblystyń ońtústik-batysynda, soltústik-shyǵysynda jáne taýly aýdandarynda jeldiń jyldamdyǵy 15-20 m/s jetedi.