ShQO-da 1,4 mln sharshy metr turǵyn úı salynyp jatyr
ÓSKEMEN. QazAqparat – Shyǵys Qazaqstan oblysynda 1,4 mıllıon sharshy metr turǵyn úı salynýda, dep habarlaıdy QazAqparat tilshisi.
ShQO ákimdiginiń málimetine súıensek, qazirgi ýaqytta óńirde 280 mıllıard teńgege 1,4 mıllıon sharshy metr turǵyn úı salynyp jatyr. Osy jyly 647 myń sharshy metr baspana paıdalanýǵa beriledi dep josparlanǵan.
«4 myńǵa jýyq otbasy qoljetimdi turǵyn úımen qamtamasyz etiledi. Jeke ınvestıtsııalardy tartý esebinen qurylys salýshylar 104 mıllıard teńgege 86 kommertsııalyq úıdiń qurylysyn júrgizýde. Investorlarǵa ınjenerlik ınfraqurylymy bar jobalar men jer telimderi usynyldy», - dedi aımaq basshysy Danıal Ahmetov.
Onyń aıtýynsha, «Birqabatty Shyǵys» óńirlik baǵdarlamasy sheńberinde memlekettik qarajat esebinen jeke turǵyn úı qurylysy aýdandaryna ınjenerlik kommýnıkatsııalar júrgiziledi. Osy jyly jeke turǵyn úı qurylysynyń qarqyny artyp, jeke ınvestorlar 15,4 mıllıard teńgege 744 birqabatty úı salyp jatyr.
