Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

قازاقستاندا ازاماتتىق قوعام ۇيىمدارى نەگە ۇمتىلۋى كەرەك

2021 jyldyń 26 qarasha 2021 19:58

الماتى. قازاقپارات - الماتىدا وتكەن مەرەيتويلىق ازاماتتىق فورۋمدا «ارگو» ازاماتتىق قوعامدى دامىتۋ قاۋىمداستىعىنىڭ اتقارۋشى ديرەكتورى ءجاميلا اسانوۆا حالىقارالىق ميسسيالاردىڭ ازاماتتىق باستامالاردى دامىتۋعا قوسقان ۇلەسى تۋرالى ايتىپ بەردى، دەپ حابارلايدى قازاقپارات ءتىلشىسى.

«قازىرگى ۋاقىتتا ازاماتتىق قوعام جەرگىلىكتى پروبلەماعا ەمەس، جاھاندىق دەڭگەيدەگى ماسەلەگە نازار اۋدارۋى قاجەت. ءبىزدىڭ ۇكىمەتتىك ەمەس ۇيىمدار وسىعان ۇمتىلۋى كەرەك جانە وعان كاسىبي دەڭگەيدە زەرتتەۋلەر جۇرگىزىپ، يننوۆاتسيالاردى ەنگىزۋ ارقىلى قول جەتكىزۋگە بولادى»، - دەدى ول.

سونىمەن قاتار، سپيكەر ۇكىمەتتىك ەمەس ۇيىمداردى بەلسەندى بولۋعا شاقىردى.

2022-جىلى قازاقستان ۇكىمەتى بىرىككەن ۇلتتار ۇيىمىنىڭ جوعارى ساياسي دەڭگەيدەگى فورۋمىندا ەسەپ بەرەدى. ول ءۇشىن مىڭجىلدىقتىڭ تۇراقتى دامۋ ماقساتتارىن ىسكە اسىرۋ بويىنشا ەرىكتى ۇلتتىق شولۋ دايىندالۋدا. مەن 2019-جىلى ب ۇ ۇ جوعارى دەڭگەيدەگى فورۋمىنىڭ جۇمىسىنا جانە ەلىمىزدىڭ ءبىرىنشى بايانداماسىنىڭ رەسمي تۇساۋكەسەرىنە قاتىستىم. مەن كوپتەگەن ەلدەردىڭ باياندامالارىن تىڭدادىم، ماعان باياندامالاردىڭ ايتارلىقتاي بولىگى مىسالدار، جاعدايلار، ازاماتتىق قوعام ۇيىمدارىنىڭ شىنايى وقيعالارى جانە ولاردىڭ قىزمەتىنە ساپالى تالداۋ جاسالعانى قاتتى ۇنادى. باياندامالارداعى كوپتەگەن تۇجىرىمدار ازاماتتىق قوعام ۇيىمدارىنىڭ بايىپتى تالداۋىنا نەگىزدەلگەن.

ۇكىمەتتىك ەمەس ۇيىمدار ب ۇ ۇ قوسىمشا ءىس-شارالارىن وتكىزۋگە وتە بەلسەندى قاتىستى. «ارگو» العاش رەت 2021-جىلدىڭ شىلدەسىندە ب ۇ ۇ باس اسسامبلەياسىنىڭ كۇن ءتارتىبى اياسىندا ورتالىق ازياداعى ازاماتتىق قوعام رەتىندە قوسالقى ءىس-شارا ۇيىمداستىردى. مەن قازاقستاننىڭ جانە ورتالىق ازيانىڭ بارلىق ەلدەرىنىڭ ۇكىمەتتىك ەمەس ۇيىمدارىن ءوز زەرتتەۋلەرىمەن، جوبالارىمەن، اناليتيكالىق شولۋلارىمەن جانە ناقتى ىستەرىمەن ەرىكتى ەسەپتەردى دايىنداۋعا قاتىسۋعا شاقىرامىن»، - دەيدى ءجاميلا اسانوۆا.

ول فورۋم بارىسىندا ازاماتتىق قوعام ۇيىمدارىنا جۇگىندى.

«بۇگىنگى كۇنى ازاماتتىق قوعامنىڭ ءرولى وزگەردى. سونى تۇسىنەتىن ۋاقىت جەتتى. جاڭاشىل، جاۋاپتى، كرەاتيۆتى بولۋعا ۇمتىلۋ كەرەك»، - دەيدى سپيكەر.

ءوز كەزەگىندە اقپارات جانە قوعامدىق دامۋ ءمينيسترى ايدا بالايەۆا ۇ ە ۇ باستامالارىن قولداۋعا دايىن ەكەنىن اتاپ ءوتتى.

«سونىمەن قاتار ءبىز جاڭا دەڭگەيگە جەتۋ ءۇشىن يننوۆاتسيالىق تەحنولوگيالار بويىنشا جۇمىسىمىزدى قايتا قاراۋعا دايىنبىز»، - دەدى مينيستر.

Joǵary qaraı