Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda azamattyq qoǵam uıymdary nege umtylýy kerek

2021 jyldyń 26 qarasha 2021 18:28

ALMATY. QazAqparat - Almatyda ótken mereıtoılyq azamattyq forýmda «ARGO» Azamattyq qoǵamdy damytý qaýymdastyǵynyń atqarýshy dırektory Jámılá Asanova halyqaralyq mıssııalardyń azamattyq bastamalardy damytýǵa qosqan úlesi týraly aıtyp berdi, dep habarlaıdy QazAqparat tilshisi.

«Qazirgi ýaqytta azamattyq qoǵam jergilikti problemaǵa emes, jahandyq deńgeıdege máselege nazar aýdarýy qajet. Bizdiń úkimettik emes uıymdar osyǵan umtylýy kerek jáne oǵan kásibı deńgeıde zertteýler júrgizip, ınnovatsııalardy engizý arqyly qol jetkizýge bolady», - dedi ol.

Sonymen qatar, spıker úkimettik emes uıymdardy belsendi bolýǵa shaqyrdy.

2022 jyly Qazaqstan Úkimeti Birikken Ulttar Uıymynyń joǵary saıası deńgeıdegi forýmynda esep beredi. Ol úshin myńjyldyqtyń turaqty damý maqsattaryn iske asyrý boıynsha erikti ulttyq sholý daıyndalýda. Men 2019 jyly BUU Joǵary deńgeıdegi forýmynyń jumysyna jáne elimizdiń birinshi baıandamasynyń resmı tusaýkeserine qatystym. Men kóptegen elderdiń baıandamalaryn tyńdadym, maǵan baıandamalardyń aıtarlyqtaı bóligi mysaldar, jaǵdaılar, azamattyq qoǵam uıymdarynyń shynaıy oqıǵalary jáne olardyń qyzmetine sapaly taldaý jasalǵany qatty unady. Baıandamalardaǵy kóptegen tujyrymdar azamattyq qoǵam uıymdarynyń baıypty taldaýyna negizdelgen. Úkimettik emes uıymdar BUU qosymsha is-sharalaryn ótkizýge óte belsendi qatysty.

«ARGO» alǵash ret 2021 jyldyń shildesinde BUU Bas Assambleıasynyń kún tártibi aıasynda Ortalyq Azııadaǵy azamattyq qoǵam retinde qosalqy is-shara uıymdastyrdy. Men Qazaqstannyń jáne Ortalyq Azııanyń barlyq elderiniń úkimettik emes uıymdaryn óz zertteýlerimen, jobalarymen, analıtıkalyq sholýlarymen jáne naqty isterimen erikti esepterdi daıyndaýǵa qatysýǵa shaqyramyn»,-deıdi Jámılá Asanova.

Ol forým barysynda azamattyq qoǵam uıymdaryna júgindi.

«Búgingi kúni azamattyq qoǵamnyń róli ózgerdi. Sony túsinetin ýaqyt jetti. Jańashyl, jaýapty, kreatıvti bolýǵa umtylý kerek»,- deıdi spıker.

Óz kezeginde Aqparat jáne qoǵamdyq damý mınıstri Aıda Balaeva ÚEU bastamalaryn qoldaýǵa daıyn ekenin atap ótti.

«Sonymen qatar biz jańa deńgeıge jetý úshin ınnovatsııalyq tehnologııalar boıynsha jumysymyzdy qaıta qaraýǵa daıynbyz», - dedi mınıstr.


Joǵary qaraı