Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatydaǵy mańyzdy kólik jolaıryǵynyń qurylysy jaqynda aıaqtalady

2021 jyldyń 26 qarasha 2021 10:38

ALMATY. QazAqparat - Almaty ákimi Baqytjan Saǵyntaev kólik jolaıryqtaryn, metro stantsııalaryn qurylysy men Abaı dańǵylyn uzartý jumystarynyń barysyn tekserdi, dep habarlaıdy QazAqparat tilshisi.

Rysqulov dańǵyly men Emtsov kóshesiniń qıylysynda kólik jolaıryǵynyń qurylysy aıaqtalýǵa jaqyn. Rysqulov dańǵyly arqyly ótetin estakadada jol jabynyn ornatýǵa daıyndyq júrgizilip jatyr. Jaqyn ornalasqan aýmaq abattandyrylýda.

Estakadanyń uzyndyǵy – 186 metr. Buryndary jeke búıirli sezder boıynsha kólik qozǵalysy ashylǵan bolatyn. Jolaıryq Rysqulov dańǵyly boıynsha kólik ótkizý qabiletin táýligine 80 myń avtomobılge deıin, Emtsov kóshesi boıynsha – 40 myńǵa deıin arttyrady.
Sonymen qatar Almaty ákimi Momyshuly kóshesinen Naýryzbaı aýdanynyń ákimshilik ortalyǵyna deıingi uzyndyǵy 3,5 shaqyrym ýchaskeniń qurylysy men Abaı dańǵylyn uzartý jumystarynyń barysymen tanysty.





Ár baǵytta qozǵalys úshin 3 jolaq qarastyrylǵan. Áshimov kóshesiniń ústinen 400 metrlik estakada salý jalǵasýda. Bul ýchaskedegi qozǵalys ýaqytsha syzba boıynsha uıymdastyrylady.
Almaty ákimi Baqytjan Saǵyntaev sondaı-aq aralyq tonnelderden jáne «Saryarqa» jáne «B. Momyshuly» eki stantsııadan turatyn metropolıtenniń ekinshi iske qosý kesheni obektileriniń qurylys barysyn tekserdi. Munda árleý jumystary aıaqtalyp, jabdyqtar ornatylýda jáne elektromontaj jumystary júrgizilip jatyr.





Budan ózge megapolıs ákimi Jandosov kóshesindegi avtobýs kóshe-jol jelisin rekonstrýktsııalaý jumystarynyń aýqymyn baǵalady. Súleımenov kóshesinen Úlken Almaty ózenine deıingi ýchaskeniń uzyndyǵy 1 shaqyrym.
Osylaısha, Mustafın - Súleımenov - Jandosov - Tımırıazev kóshelerimen Jeltoqsan kóshesine deıin uzyndyǵy 8,7 shaqyrym BRT jelisiniń birinshi ýchaskesiniń qurylysy aıaqtalady.
Jumys sapary kezinde Almaty ákimi «Qalqaman-2» shaǵyn aýdanyndaǵy 1800 oryndy mektep qurylysynyń barysymen tanysty. Qurylys jyl sońyna deıin aıaqtalady.




















Avtor Alma Muqanova
Basty sózder: Almaty, Qurylys, Ákim, Jol,
Joǵary qaraı