Elordada jeńil atletıkadan halyqaralyq týrnır ótedi

NUR-SULTAN. QazAqparat - Qazaqstan Respýblıkasy Táýelsizdiginiń 30 jyldyǵyna oraı elordada 2004-2005 jyly týǵan uldar men qyzdar arasynda jeńil atletıkadan ashyq halyqaralyq týrnır ótedi. Bul jaıynda Nur-Sultan qalalyq jeńil atletıka federatsııasynan málim etti, dep habarlaıdy QazAqparat tilshisi.

Federatsııa málimetinshe, týrnırdiń basty maqsaty – elimizde jeńil atletıkany keńinen nasıhattaý, sporttyq rezervti daıyndaý jáne Nur-Sultan qalasy men elimizdiń ulttyq qurama komandasyna túrli halyqaralyq jarystarǵa qatysýǵa úmitkerlerdi anyqtaý.

Týrnırge Ózbekstan, Tájikstan, Qyrǵyzstan elderinen 150-den astam sportshy qatysady. Sondaı-aq Qazaqstannyń basqa óńirlerinen de sportshylar keledi.

Sportshylar jeńil atletıkanyń birqatar túrleri boıynsha jarysqa túsedi. Atap aıtqanda: 60 metrge júgirý, 60 metrge kedergimen júgirý, 200, 400, 800, 1500, 3000 metrge júgirý, 3 000 metrge sporttyq júris, ıadro laqtyrý, bıiktikke sekirý, uzyndyqqa sekirý, úsh qarǵyp sekirý, estafetalyq 4h200 metr, 12 jeke túr + 1 estafeta jáne 4h200 metrge aralas estafeta.

Jarystar 26-27 qarasha aralyǵynda elordadaǵy «Qazaqstan» jeńil atletıka sport kesheninde ótedi.