Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda 2 myńnan asa qoǵamdyq kólik júredi

2021 jyldyń 25 qarasha 2021 14:48

ALMATY. QazAqparat - Almatyda 151 baǵyt boıynsha 2400-den astam qoǵamdyq kólik júredi. Bul týraly Óńirlik kommýnıkatsııalar qyzmetiniń baspasóz máslıhatynda megapolıs ákiminiń orynbasary Serik Qusaıynov aıtty, dep habarlaıdy QazAqparat tilshisi.

Spıkerdiń sózinshe, Almatyda baǵyttardyń úzdiksiz jumysyn qamtamasyz etý úshin zańnamaǵa sáıkes tasymaldaýshylar sýbsıdııalanady.

Qazirgi kezde Almaty qalasynda 151 qalalyq baǵytqa qyzmet kórsetý boıynsha 21 tasymaldaýshy kompanııa jumys isteıdi.
«Baǵyttar boıynsha júretin avtobýstardyń sany 2 441 jyljymaly birlikti quraıdy. Onyń ishinde 515 gaz avtobýsy, 196 trolleıbýs, 15 elektr avtobýsy jáne dızeldegi 1 715 avtobýs bar»,- deıdi ol.
Almaty ákiminiń orynbasary 2021-2022 jyldary «Almatyelektrotrans» JShS kommýnaldyq avtobýs parki 300 gaz avtobýsyn satyp alý josparlanǵanyn atap ótti.
Budan ózge, jeke ınvestor 2022 jyly qalalyq baǵyttarǵa qyzmet kórsetetin 200-ge deıin gaz avtobýstaryn satyp alý, kólik sanyn 2025 jylǵa deıin 500 jyljymaly birlikke deıin ulǵaıtý, jańa avtobýs parkin salý máselesin qarastyrýda.
Sondaı-aq 2022 jyly Alataý aýdanyndaǵy Indýstrıaldy aımaqta avtobýs parkin salý josparda.
Spıker qazirgi kezde Almatynyń Naýryzbaı aýdany qarqyndy damyp kele jatqanyn tilge tıek etti.
Onda kóptegen turǵyn úı keshenderi bar, aýdan turǵyndaryna quramynda 121 jyljymaly kólik birligi bar №14, 15, 26, 27, 104a, 118 jáne 137 baǵyttar boıynsha qyzmet kórsetilýde.
Abaı dańǵylyn uzartý jumystary aıaqtalǵannan keıin aýdanda jańa baǵyttar uıymdastyrylady, olar kólik júıesiniń júktemesin azaıtýǵa jáne qoldanystaǵy qalalyq baǵyttardyń bir bóligin jeńildetýge kómektesedi.
Avtor Alma Muqanova
Basty sózder: Almaty, Qoǵam, Kólik,
Joǵary qaraı