Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan amerıkalyq kompanııany sotta jeńdi

2021 jyldyń 25 qarasha 2021 11:50

NUR-SULTAN. QazAqparat - Qazaqstan Respýblıkasy «Big Sky Energy Corporation» amerıkalyq kompanııasy bastaǵan tórelik protsesti jeńdi. Bul týraly QazAqparat Ádilet mınıstrligine silteme jasap habarlaıdy.

2021 jylǵy 24 qarashada Investıtsııalyq daýlardy retteý boıynsha halyqaralyq ortalyǵy (IDRHO) janyndaǵy tórelik Trıbýnal «Big Sky Energy Corporation» amerıkandyq kompanııasynyń bastamasymen bolǵan Qazaqstan Respýblıkasyna qarsy tórelik is boıynsha Qazaqstan Respýblıkasynyń paıdasyna sheshim shyǵardy. Talap aryzdyń somasy 460,1 mln AQSh dollaryn qurady.

Qazaqstan Respýblıkasy Trıbýnaldy Qazaqstan men AQSh arasyndaǵy ekijaqty ınvestıtsııalyq kelisimniń buzylmaǵanyna sendirdi. Talapkerdiń talaptary tolyǵymen qabyldanbady.

Trıbýnal Talapkerdi Respýblıkaǵa tórelik shyǵyndary tóleýdi mindettedi.

Tórelik talap aryzdy «Big Sky Energy Corporation» amerıkandyq kompanııasy 2017 jylǵy shilde aıynda IDRHO erejelerine sáıkes bastaǵandyǵyn atap ótemiz.

Tyńdaýlar 2021 jylǵy 4-12 qańtar aralyǵynda onlaın formatta ótti.

Talapkerdiń negizgi shaǵymdary, Atyraý oblysyndaǵy munaı ken oryndarynda jer qoınaýyn paıdalaný quqyǵy bar «Qojan» JShS kompanııasyndaǵy qatysý úlesin eksproprıatsııalaýǵa alyp kelgen, memlekettik organdardyń, Talapkerdiń aıtýynsha, zańsyz is-áreketteri bolyp tabylady.

Atalǵan is boıynsha Qazaqstan Respýblıkasynyń múddesin QR Ádilet mınıstrligi «Reed Smith LLP» zań fırmasymen birlesip bildiredi.


Basty sózder: QR Ádilet mınıstrligi, Sot, AQSh,
Joǵary qaraı