Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandyda Júrsin Ermanovtyń 70 jyldyq mereıtoıy atap ótildi

2021 jyldyń 25 qarasha 2021 08:45

QARAǴANDY. QazAqparat - Qaraǵandydaǵy Kenshiler mádenıet saraıynda Qazaqstannyń eńbek sińirgen qaıratkeri Júrsin Ermanovtyń 70 jyldyq mereıtoıyna arnalǵan mýzykalyq-ádebı kesh ótti. Bul týraly QazAqparat ákimdikke silteme jasap habarlaıdy.

Mereıtoı ıesine tanymal mádenıet qaıratkerleri jyly lebizderin bildirdi.

Aqyn, pýblıtsıst, aıtysker Júrsin Ermanovtyń qurmetine uıymdastyrylǵan shyǵarmashylyq kesh Kenshiler mádenıet saraıynda tanymal kompozıtorlardy, ártisterdi, aqyndar men jazýshylardy jınady. Mereıtoı ıesin quttyqtaýǵa Altynbek Qorazbaev, Asanáli Áshimov, Amanjol Áltaev, Serik Aqsuńqaruly, Ǵalym Jaılybaı jáne basqa da óner qaıratkerleri keldi.

«Búgin biz úshin ǵana emes, búkil qazaq halqy úshin úlken mereke. Júrsın Ermanov – Ulytaý aýdanynda dúnıege kelgen jáne óziniń shyǵarmalarymen búkil eldi jaýlap alǵan birtýar aqyn. Ol aıtysty jandandyryp, osy folklorlyq ónerdiń damýyna baǵa jetpes úles qosty.Men ony mereıtoıymen shyn júrekten quttyqtaımyn jáne shyǵarmashylyq shabyt pen uzaq ómir tileımin» – dedi Qazaqstannyń eńbek sińirgen qaıratkeri, aqyn Ǵalym Jaılybaı.




Mýzykalyq-ádebı kesh kórermenderi mereıtoı ıesiniń ómiri men shyǵarmashylyǵy týraly derekti fılmdi tamashalap qana qoımaı, Júrsin Ermanovtyń óleńderine jazylǵan ánderdiń jantebirenterlik oryndalýynan lázzát aldy. Sondaı-aq, uly Saryarqanyń tulǵasy týraly baıandaıtyn «Ulytaýdan-Alataýǵa» atty kitaptyń tusaýy kesildi.




«Maǵan kórsetilgen qurmet qatty áser etti. Osy kúnderi menimen merekemdi bóliskenderdiń barlyǵyna rahmet. Qaraǵandy oblysy sońǵy jyldary aıtarlyqtaı ózgerdi. Barsha qazaqstandyqtardy el Táýelsizdiginiń 30 jyldyǵymen quttyqtaımyn, respýblıkamyzdyń odan ári órkendep, odan ári damı berýine tilektespin», – dedi mereıtoı ıesi.




Júrsin Ermanovtyń mereıtoıyn merekeleý respýblıkalyq aqyndar aıtysymen jalǵasady. Ol 25 qarashada saǵat 11:00-de Kenshiler mádenıet saraıynda ótedi. Kirý tegin.











Basty sózder: Qaraǵandy oblysy, Mádenıet,
Joǵary qaraı