Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Reseıge 90 kúnnen astam merzimge baratyn qazaqstandyqtan qosymsha anyqtamalar talap etiledi

2021 jyldyń 24 qarasha 2021 23:25

MÁSKEÝ. QazAqparat - Qazaqstannyń Reseı Federatsııasyndaǵy Elshiligi sol elge 90 kúnnen astam merzimge keletin qazaqstandyqtarǵa qatysty málimetti, jarııalady dep habarlaıdy QazAqparat Elshilik saıtyna silteme jasap.

« 29 jeltoqsanynan bastap Reseıge 90 kúnnen astam merzimge keletin Qazaqstan azamattary reseılik medıtsınalyq mekemelerde nashaqorlyq pen juqpaly aýrýlardyń, onyń ishinde AITV ınfektsııasynyń joqtyǵyn rastaýy kerek. Anyqtamany ІІM aýmaqtyq organdaryna tapsyrý qajet. Kámeletke tolmaǵan nemese áreketke qabiletsiz azamattardyń qujattaryn onyń ata-anasynyń, qorǵanshylarynyń nemese qamqorshylarynyń biri (6 jasqa deıingi balalarǵa qoldanylmaıdy) usyndy «, delingen habarlamada .

Sondaı-aq, qazaqstandyqtarǵa mindetti memlekettik daktıloskopııa tirkeýinen ótedi jáne sýretke túsiriledi, odan keıin ІІM aýmaqtyq organdary olarǵa tıisti qujat beredi. Eńbek etý maqsatynda Reseıge kelgen jaǵdaıda, joǵaryda kórsetilgen rásim kelgen kúnnen bastap 30 kún ishinde, basqa maqsattarda – 90 kún ishinde ótýi kerek.

Elshiliktiń málimetinshe, medıtsınalyq anyqtamanyń merzimi aıaqtalǵannan keıin qazaqstandyqtar 30 kún ishinde medıtsınalyq kýálandyrýdan qaıta ótýge jáne jańa qujattardy ІІM aýmaqtyq organyna nemese memlekettik jáne jergilikti qyzmetterdiń biryńǵaı portalyn paıdalana otyryp, elektrondy qujat nysanynda ne vedomstvolyq baǵynysty kásiporyn nemese ýákiletti uıym arqyly usynýǵa mindetti.

Joǵaryda atalǵan talaptar oryndalmasa, Reseıde bolý merzimi qysqartylýy múmkin.

Qujattyń tolyq mátinimen silteme arqyly ótip, tanysýǵa bolady.

Basty sózder: QR SІM, Reseı,
Joǵary qaraı