Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda JRVI juqtyrǵandar sany kúrt kóbeıdi

2021 jyldyń 24 qarasha 2021 20:53

ALMATY. QazAqparat - Almatyda jiti respıratorlyq vırýstyq ınfektsııa juqtyrǵandar sany kúrt ósti. Bir aptada 12 myńnan astam jaǵdaı tirkeldi. Bul týraly Baqytjan Saǵyntaev «Almaty» telearnasyndaǵy tikeleı efırde aıtty, dep habarlaıdy QazAqparat tilshisi.

Onyń aıtýynsha, qalada JRVI-men syrqattanýshylyqtyń maýsymdyq ósýi baıqalady. Ótken aptada Almaty dárigerleri 12479 jaǵdaıdy tirkedi.

«Ótken jylmen salystyrǵanda, qazir JRVI-men aýyratyndar 3,7 ese kóp. Sonymen qatar, bul kórsetkish apta saıyn ósip otyr. Jańa epıdemıologııalyq maýsym bastalǵannan bastap 1 qazan men 17 qarasha aralyǵynda JRVI-diń 73 731 jaǵdaıy tirkeldi. Sonymen qatar, AH3N2 tumaýy 13 adamnan anyqtaldy»,- deıdi ol.

Almaty ákimi JRVI, tumaý jáne pnevmonııanyń taralýyna baılanysty kúrdeli jaǵdaıdy eskerý kerektigin tilge tıek etti.

Ol Almatynyń barlyq turǵyndaryn buryn engizilgen aldyn alý sharalaryn, sonyń ishinde maska taǵýdy qatań saqtaýǵa shaqyrdy. Al, koronavırýs ınfektsııasy men tumaýǵa qarsy vaktsınalanbaǵan adamdar ózderin jáne jaqyndaryn qorǵaý úshin ekpe alýlary tıis. Megapolıste bul úshin barlyq jaǵdaı jasalǵan.

Vaktsınalaý halyqty tumaý vırýsyn juqtyrýdan qorǵap qana qoımaı, derttiń asqynýyna jol bermeıdi ári ólim-jitimdi edáýir tómendetýge kómektesedi. Bıyl reseılik óndiristiń «Grıppol Plıýs» tumaýǵa qarsy úshvalentti vaktsınasy 130 000 doza kóleminde satyp alyndy.


Avtor Alma Muqanova
Basty sózder: Densaýlyq, Ákim, Medıtsına, Almaty,
Joǵary qaraı