Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astanalyqtar aýa sapasyn mobıldi qosymsha arqyly baqylaı alady

2021 jyldyń 24 qarasha 2021 18:53

NUR-SULTAN. QazAqparat – Elordada aýa sapasyn tekseretin arnaıy mobıldi qosymsha iske qosyldy, dep habarlaıdy QazAqparat tilshisi.

Búgin qorshaǵan orta janashylarlary «Urban talks» jobasy aıasynda elordanyń ekologııalyq máselesin ortaǵa saldy.

Atalǵan sharaǵa ekologtarmen qatar, qalalyq ákimdik jáne quzyrly organ ókilderi qatysty.

«Densaýlyq saqtaý mınıstrliginiń málimetinshe, elimizde tirkeletin aýrýlardyń deni tynys alý múshelerimen baılanysty eken. Onyń negizgi sebebi aýa raıy sapasy. Onyń ústine elordada kómir jaǵý mólsheri azaımaı tur. Sondyqtan gaz jetkizý jumysyn jedeldetý kerek. Odan bólek, jyl saıyn qorshaǵan ortaǵa avtokólikterden keletin zııany bar. Sońǵy derekterge súıensek, elordada kólik sany 30% -ǵa artqan. Bul jaǵdaı aýa tazalyǵyna tikeleı áser etedi. Árıne, sońǵy ýaqytta kólik ıeleriniń gazǵa kóship jatqany qýantady», - dep praktıkalyq ekologtar qaýymdastyǵynyń basshysy Laýra Málikova.

Spıkerdiń aıtýynsha, búginde elordada aýa sapasyn tekseretin arnaıy mobıldi qosymsha iske qosyldy.

«Mobıldi qosymsha AirKz dep atalady, ol memlekettiń qarjatyna ázirlendi. Onda aýa sapasy týraly ózekti aqparat kórsetiledi. Eger ekranda qyzyl, sary nemese qyzǵylt sary tús kórsetke demek aýa las, adam úshin qaýipti degen sóz. Ondaı jaǵdaıda adamdarǵa kóshege shyǵýǵa nemese terezeni ashýǵa keńes berilmeıdi. Al jasyl tús kórsetilse, terezeni de ashyp, dalaǵa da erkin shyǵýǵa bolady. Bul halyqty aqparattandyrýdyń bir túri. Bul aýa sapasy men kásiporyndardyń jumysyn rettep, josparlaý úshin qajet», - deıdi ol.


Avtor Álı Ibraev
Basty sózder: Nur-Sultan, Qoǵam, Ekologııa,
Joǵary qaraı