Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tuńǵysh Prezıdent kúni qarsańynda Aqtóbe oblysynda kezekti aýyldar kógildir otynǵa qosyldy

2021 jyldyń 24 qarasha 2021 18:40

AQTÓBE. QazAqparat - Qazaqstannyń Tuńǵysh Prezıdenti kúni qarsańynda gaz jáne gazben jabdyqtaý salasyndaǵy ulttyq operator «QazTransGaz» AQ Aqtóbe oblysy Mártók aýdanynyń Voznesenovka jáne Dostyq aýyldaryna kógildir otyndy qosty, dep habarlaıdy QazAqparat «QazTransGaz» AQ baspasóz qyzzmetine silteme jasap.

Saltanatty sharaǵa oblys ákimi Ońdasyn Orazalın men «QazTransGaz Aımaq» AQ Aqtóbe óndiristik fılıalynyń dırektory Áset Ábiláshev qatysty. Jyl saıyn aýyldyq jerlerdegi áleýmettik jobalardy iske asyrýǵa qomaqty qarajat bólinedi. Ulttyq operatordyń arqasynda óńirdiń barlyq aýdan ortalyqtary gazdandyryldy. Endi shalǵaı kentter men aýyldardy gazdandyrý boıynsha jumystar júrgizilýde.

Joba aıasynda eldimekenderge «kógildir otyndy» jetkizetin 30 shaqyrymnan astam gaz qubyry salyndy. Eki eldi mekendegi ishki jerasty gaz taratý jelileriniń uzyndyǵy shamamen 16 km. Qazirgi ýaqytta úılerge gaz kirgizýge qajetti gaz qubyrlaryn salý jumystary júrgizilýde. Gaz jetkizilgen eki aýyldyń birinde 148, ekinshisinde 112 abonent bar, al turǵyndardyń jalpy sany 1300 adamdy quraıdy. Sondaı-aq, 9 kommýnaldyq-turmystyq kásiporyn gazǵa qosylýǵa daıyn.




«Qazirgi ýaqytta oblys boıynsha gazdandyrý kórsetkishi 92,5 paıyzǵa jetti. Bul baǵyttaǵy jumystar aldaǵy ýaqytta da jalǵasa beredi. Gaz – turmysta paıdalaný úshin óte yńǵaıly otyn. Biraq qaýipsizdik týraly esh umytýǵa bolmaıdy. Murjany ýaqytynda tazalap, peshtiń tútin tartqyshtyǵyn únemi tekserip otyrý kerek. Gaz jabdyqtaryn ózdiginen jóndeýge, tasymaldaýǵa bolmaıdy. Mine, osy qarapaıym erejelerdi saqtasańyz – ózińiz ben jaqyndaryńyzdyń ómirine qaýyp tónbeıdi, úıińizge jylý men jaılylyq ornaıdy», - dedi óz sózinde «QazTransGaz Aımaq»AQ Aqtóbe óndiristik fılıalynyń dırektory: Áset Ábiláshev.









Joǵary qaraı