Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aıda Balaeva Mońǵolııa jáne Reseıdiń Altaı ólkesiniń bas múftılerimen kezdesti

2021 jyldyń 24 qarasha 2021 17:51

NUR-SULTAN. QazAqparat - Aqparat jáne qoǵamdyq damý mınıstri Aıda Balaevanyń Mońǵol Respýblıkasynyń bas múftıi Batyrbek Hadys jáne Reseı Federatsııasy Altaı aımaǵynyń bas múftıi Janbolat Ohtaýbaevpen kezdesýi ótti, dep habarlaıdy QazAqparat atalǵan vedomstvonyń baspasóz qyzmetine silteme jasap.

Mońǵolııa men Reseıden din qyzmetkerleri Qazaqstan musylmandary dinı basqarmasy uıymdastyrǵan «Táýelsiz Qazaqstan jáne ıslam qundylyqtary» taqyrybyndaǵy halyqaralyq ǵylymı-tájirıbelik konferentsııaǵa qatysý úshin keldi.

Kezdesý barysynda Mınıstr konferentsııaǵa qatysýshy elderdegi dinı ahýal bir-birine jaqyn jáne uqsas ekenin, memleketter dinı birlestikterdiń qyzmetine aıtarlyqtaı kóńil bóletindigin atap ótti. Óz kezeginde múftıler dinbasylar arasyndaǵy yntymaqtastyqty damytý boıynsha óz usynystarymen bólisti.

Kezdesýge qatysýshylar Qazaqstan musylmandary dinı basqarmasy uıymdastyrǵan Halyqaralyq ǵylymı-tájirıbelik konferentsııa dıalog pen odan ári yntymaqtastyqty damytýdaǵy ashyqtyq deńgeıin kórsetetinin aıtty.


Joǵary qaraı