Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqyly joldardyń apatty ýchaskelerinde tólem alynbaıdy

2021 jyldyń 24 qarasha 2021 16:10

NUR-SULTAN. QazAqparat – Aqyly joldardyń apatty ýchaskelerinde tólem alynbaıdy. Bul týraly «QazAvtoJol» UK» AQ basqarmasynyń tóraǵasy Asqar Muratuly aıtty, dep habarlaıdy QazAqparat tilshisi.

«ІІ jáne ІІІ sanattaǵy tarıfti anyqtaý úshin «QazjolǴZI» AQ salalyq qoǵamdyq uıymdarmen,«Atameken» UKP-men kelisilgen jáne Qazaqstan Respýblıkasy Indýstrııa jáne ınfraqurylymdyq damý mınıstrliginiń Avtomobıl joldary Komıtetimen bekitilgen ádisteme ázirledi», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, qazirgi ýaqytta jalpy uzyndyǵy 1479 shaqyrym bolatyn 1 tehnıkalyq sanattaǵy ýchaskelerde aqy alý júıesin engizý boıynsha jumystar júrgizildi. Atap aıtqanda, 2021 jylǵy 23 qarashadan bastap respýblıkalyq mańyzy bar birinshi sanatty avtojoldardyń 7 ýchaskesinde («Nur–Sultan – Pavlodar», «Qapshaǵaı – Taldyqorǵan», «Taraz – Qaınar», «Shymkent – Taraz», «Shymkent – Qyzylorda», «Shymkent – Tashkent», «ýchınsk-Kókshetaý») júrý úshin aqy alýdyń ashyq júıesi jumys istep tur.

«Sonymen qatar, qazirgi ýaqytta aqyly júıeni engizý máseleleri talqylanýda. Joǵaryda aıtylǵandaı, apattyq ýchaskelerdi kesip ótý jáne paıdalaný úshin aqy alynbaıdy. Atap aıtqanda, tonnel qurylysy júrgizilip jatqan Taraz-Shymkent ýchaskelerinde (uzyndyǵy 39 shaqyrym, 593-532) jáne Nur-Sultan-Pavlodar ýchaskesinde (uzyndyǵy 24 shaqyrym, 235-259) aqy alý kózdelmegen», - dedi Asqar Muratuly.


Avtor Marlan Jıembaı
Basty sózder: Qarjy, Qoǵam, Kólik, Jol,
Joǵary qaraı