Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

2020 jyly aqyly joldardan qansha qarjy tústi

2021 jyldyń 24 qarasha 2021 16:02

NUR-SULTAN. QazAqparat – 2020 elimizdegi aqyly joldardan 5,7 mlrd teńge qarjy tústi. Bul týraly «QazAvtoJol» UK» AQ basqarmasynyń tóraǵasy Asqar Muratuly aıtty, dep habarlaıdy QazAqparat tilshisi.

«2020-2025 jyldarǵa arnalǵan «Nurly jol» memlekettik baǵdarlamasyna sáıkes respýblıkalyq mańyzy bar joldardyń 11 myń shaqyrymyna nemese jalpy jeliniń 45 paıyzyna aqy alý júıesin engizý josparlanýda. Ózderińiz biletindeı, tólem alý júıesi uzyndyǵy 682 shaqyrym bolatyn 4 ýchaskede (Nur-Sultan-ýchınsk, Nur-Sultan-Temirtaý, Almaty-Qapshaǵaı jáne Almaty-Qorǵas) engizildi. 2020 jyly alymdar 5,7 mlrd teńgeni qurady», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, ınvestormen («Computer Vision Technologies» JShS) jasalǵan shart aıasynda respýblıkalyq mańyzy bar avtomobıl joldarynyń ýchaskelerinde tólemaqy alý júıesin ornatý jáne oǵan qyzmet kórsetý boıynsha 2024 jylǵa deıin 200 birlik aralyq baqylaý arkalaryn, 45 birlik klıenttermen jumys isteý jónindegi ortalyqtardy, monıtorıng ortalyǵyn jáne 2 birlik derekterdi óńdeý ortalyǵyn qurý kózdelgen.

«2021 jyly uzyndyǵy 5,8 myń shaqyrym ýchaskelerde 94 birlik baqylaý arkalaryn ornatý boıynsha jumystar aıaqtaldy. Árbir baqylaý arkasynda mynadaı quramda baǵdarlamalyq-apparattyq keshen ornatyldy: bekitý kameralary, sholý kameralary, ónerkásiptik kompıýter, lazerlik qashyqtyq ólsheýish, RFID esepteýish jáne taǵy basqaralary», - dedi Asqar Muratuly.


Avtor Marlan Jıembaı
Basty sózder: Qarjy, Kólik, Jol,
Joǵary qaraı