Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqyly joldar tarıfi kóterile me

2021 jyldyń 24 qarasha 2021 15:32

NUR-SULTAN. QazAqparat - Birinshi sanattaǵy jańa aqyly ýchaskelerde júrý úshin tólem tarıfterin 2013 jylǵy deńgeıde qaldyrý josparlanǵan. Bul týraly QR IIDM Avtomobıl joldary komıtetiniń tóraǵasy Tólegen Abdýllın aıtty, dep habarlaıdy QazAqparat tilshisi.

«Aqyly jolmen júrý tarıfteri 2013 jyly birinshi aqyly ýchaske engizilgen kezdegi deńgeıde qaldy. Atap aıtqanda, jeńil avtokólikter úshin - 1 shaqyrymyna 1 teńge, aýyr júk kólikteri úshin - 1 shaqyrymyna júk kóterimdiligine baılanysty 5 teńgeden 25 teńgege deıin. Salystyryp qarasaq, kórshiles Reseıde jeńil avtokólikter 1 shaqyrym úshin 7 teńge jáne júk kólikteri 7-den 55 teńgege deıin tóleıdi. Al Eýropa elderindegi tarıfterge keletin bolsaq, tólem júk kólikteri úshin 5 ese, al jeńil avtokólikter úshin 20 ese joǵary», - dedi Tólegen Abdýllın Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, 2025 jylǵa deıin aqyly júıeni respýblıkalyq jelidegi avtomobıl joldarynyń 11 myń shaqyrymyna engizý kózdelgen.


Joǵary qaraı