Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Memleket basshysy Nur-Sultan qalasynyń ákimi Altaı Kólginovti qabyldady

2021 jyldyń 24 qarasha 2021 15:30

NUR-SULTAN. QazAqparat - Qasym-Jomart Toqaevqa elordanyń áleýmettik-ekonomıkalyq jáne ınfraqurylymdyq damýy jóninde esep berildi, dep habarlaıdy Aqordanyń baspasóz qyzmeti.

Prezıdentke áleýmettik nysandar qurylysynyń kólemin ulǵaıtý, gazben qamtý, ınvestıtsııa tartý, úleskerlik qurylys nysandaryn salýdy aıaqtaý jumystary jóninde baıandaldy.

Altaı Kólginovtiń aıtýynsha, bıyl Memleket basshysynyń tapsyrmasymen salynǵan jeńildikpen beriletin qoljetimdi baspanalar, bilim berý oshaqtary men basqa da áleýmettik nysandar sany rekordtyq deńgeıge jetken. Máselen, 2019 jyly 2900 áleýmettik páter salynsa, 2021 jyly bul kórsetkish 10 myńǵa deıin jetken. 2022 jyly keminde 10 myń áleýmettik páter salý josparlanyp otyr. Sonymen qatar bıyl paıdalanýǵa berilgen 15 mektep 40 myńǵa jýyq oqýshyny qamtýǵa múmkindik berdi. Kelesi jyly taǵy da 16 mektep salý josparlanǵan.

Kezdesý barysynda Memleket basshysyna epıdemıologııalyq ahýaldy turaqtandyrý sharalary jáne elordada júrgizilip jatqan vaktsınalaý jumystary týraly málimet berildi.

Qasym-Jomart Toqaev qalany odan ári damytý jóninde birqatar tapsyrma berdi.


Basty sózder: Ákim, Nur-Sultan, Qazaqstan Prezıdenti,
Joǵary qaraı