Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Barymtashy quny 7 myń dollar asyl tuqymdy jylqyny atyp alǵan - ShQO

2021 jyldyń 24 qarasha 2021 15:22

ÓSKEMEN. QazAqparat - ShQO-da jaıylymdaǵy asyl tuqymdy jylqyny atqan qaskóı ustaldy, dep habarlaıdy QazAqparat Polisia.kz saıtyna silteme jasap.

Shyǵys Qazaqstan oblysynyń polıtseıleri «Mal urlyǵy» respýblıkalyq jedel aldyn alý is-sharasyn ótkizý aıasynda oblys ortalyǵynyń mańynda qaraýsyz jaıylyp júrgen maldy urlaýmen aınalysqan 40 jastaǵy Óskemen qalasynyń turǵynyn ustady. Urlyqqa barǵanda ol atys qarýyn qoldanǵan. Aǵymdaǵy jyldyń 20 qarashaǵa qaraǵan túni óziniń Toyota Land Cruiser jol talǵamaıtyn kóligimen polıtsııadan jasyrynbaq bolǵan qaskóı qolǵa tústi. Ustaý ornyna jaqyn jerde jedel-tergeý toby sharýa qojalyqtarynyń biriniń ıesine tıesili quny jeti myń AQSh dollary bolatyn asyl tuqymdy jylqynyń jartylaı soıylǵan etin tapty. Kóliktiń salonynda tártip saqshylary kóptegen oq-dárileri bar 12 kalıbrli tegis uńǵyly myltyqty jáne onyń zańsyz qyzmetiniń basqa da dálelderin tárkiledi.

Qazirgi ýaqytta mal urlyǵy faktisi boıynsha QR QK-niń 188-baby 1-bóligi 2-bóligi boıynsha sotqa deıingi tergeý júrgizilýde. Kúdikti sottyń sanktsııasymen qamaýǵa alyndy jáne ol kináli dep tanylǵan jaǵdaıda oǵan jeti jylǵa deıin bas bostandyǵynan aıyrý jazasy taǵaıyndalýy múmkin, – dedi ShQO PD bastyǵynyń orynbasary Talǵat Shaıahmetov.


Joǵary qaraı