Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shyǵys Qazaqstandaǵy 20 tasjol ýchaskesinde qar kóshkini qaýpi joǵary

2021 jyldyń 24 qarasha 2021 15:15

ÓSKEMEN. QazAqparat – Shyǵys Qazaqstan oblysynda qar kóshkini qaýpi joǵary 20 tasjol ýchaskesi bar, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńirde qar kóshkini júrý qaýpi bar kezeń bastaldy.

«Oblys respýblıka boıynsha kóshkin qaýpi eń joǵary aımaqtardyń biri. Munda qar kóshkinin tejeýshi 497 oryn ornalasqan. Onyń 336-sy nysandar men turǵyndar ómirine qaýip tóndiredi. Osy rette, tasjoldar boıyndaǵy 20 ýchaske asa qaýipti. Atap aıtqanda, «Óskemen-Samar», «Óskemen-Altaı», «Óskemen-Taýly Úlbi-Severnoe», «Katonqaraǵaı-Sogornoe-Barlyq», «Katonqaraǵaı-Rahman qaınary» jáne taǵy basqa», - delingen aqparatta.

Byltyr qys mezgilinde Shyǵys Qazaqstanda kóshkin qaýpi bar ýchaskelerdi tazalaý úshin 90 jarý jumystary júrgizilip, 593 680 tekshe metr qar túsirilgen.

Aıta keteıik, qazirgi ýaqytta óńirdegi taýly jerlerde qar jamylǵysynyń bıiktigi 10-nan 70 santımetrge deıin jetedi. Eń kóp qar – «Óskemen-Samar» tasjolynyń boıynda.


Joǵary qaraı